منگلورو: بچوں کو اسکول پہنچانےکی جلدی میں ایک ہی خاندان کے پانچ افراد نے سڑک حادثے میں گنوائی جان

Source: S.O. News Service | By Abu Aisha | Published on 11th July 2018, 9:40 PM | ساحلی خبریں | ریاستی خبریں |

منگلورو:11/ جولائی (ایس او نیوز) پیر کو ایک بھیانک سڑک حادثے میں ایک ہی خاندان کے 5افراد جاں بحق ہونے کا المناک واقعہ  پیش آیا تھا، جس کے تعلق سے ذرائع  کا کہنا ہے کہ  یہ لوگ بچوں کو اسکول روانہ کرنے  کی جلدی میں  تیزرفتاری کے ساتھ کار ڈرائیونگ کررہے تھے۔ افسوس کی بات یہ ہے کہ  جس دن یہ حادثہ ہوا، اُسی دن  دکشن کنڑا ضلعی انتظامیہ نے مینگلور میں طوفانی بارش کو دیکھتے ہوئے اسکولوں اور کالجوں میں  چھٹی کا اعلان کیا تھا۔

اطلاع کے مطابق   توکوٹو کے سی روڈ کی مکین بی فاطمہ کا خاندان  اتوار کو پالگھاٹ میں نئے گھر کی افتتاحی تقریب میں شریک ہوکر پیر کی علی الصبح مینگلور  لو ٹنے کی جلدی میں تھا  ، تاکہ مینگلور اسکولوں میں پڑھ رہے  اپنے بچوں کو وقت پر اسکول پہنچایا جاسکے۔ اسی دوران  اُپلا کے نئے بازار میں  ایک لاری بے قابو ہوکر ان کی سواری سےتیز رفتاری کے ساتھ ٹکراگئی، جس میں پانچ لوگوں کی موت واقع ہوگئی جبکہ  سات افراد شدید زخمی بھی ہوئے .

خاندانی ذرائع کے مطابق  پیر کو ضلعی انتظامیہ کی جانب سے اسکولوں اور کالجوں میں چھٹی دی گئی تھی، جس کی خاندان والوں کوخبر نہیں تھی۔ پالگھاٹ کے میزبان نے انہیں کافی سمجھایا کہ وہ  نہ جائیں بلکہ وہیں قیام کریں، لیکن والدین نے بچوں کی اسکول کی خاطر نکل پڑے  اور اپنے گھر سے صرف 12کلومیٹر دور حادثہ کا شکار ہوئے۔

ابتدائی جانچ سے پتہ چلا ہے کہ   لاری کا ٹائر  پھٹنے کے نتیجے میں   لاری نے توازن کھو دیا تھا اور ان کی جیپ سے جا ٹکرائی تھی ۔حادثے میں موت کا شکار ہوئی بی فاطمہ تین بیٹوں اور پانچ بیٹیوں کی ماں ہے۔ ان کی پانچویں بیٹی رقیہ نے انہیں اپنے گھر کی افتتاح کے لئے دعوت دی تھی ،ان کے تین بیٹوں کے علاوہ سبھی لوگ تقریب میں شریک ہوئے تھے۔ انا للہ و انا الیہ راجعون

ایک نظر اس پر بھی

ادارہ ادب اسلامی ہند شاخ بھٹکل کی جانب سے حمدیہ و نعتیہ مشاعرہ

جماعت اسلامی ہند کی جانب سے ریاست گیرپیمانے پر ’سیر ت النبیﷺ‘ کے پیغام کو عام کرنے کی جو مہم چلائی جارہی ہے اس کے حوالے سے ادارہ ادب اسلامی ہندشاخ بھٹکل کے تحت ایک حمدیہ و نعتیہ مشاعرہ ان شاء اللہ25نومبر کی شب میں 8.30بجے رابطہ ہال نوائط کالونی میں منعقد ہوگا۔

بھٹکل تعلقہ چتراپور کے کلدیپ کمار نیشنل لیول کے لئے منتخب

ٹمکور ضلع میں منعقد ہوئے ریاستی سطح کے پرائمری اسکول کھیل مقابلوں میں شرالی چتراپور کی سرکاری ماڈل پرائمری اسکول کے طالب علم کلدیپ کمار جگتپال کشیپ ڈسک تھرو میں بہترین مظاہرہ پیش کرتے ہوئے قومی سطح کے لئے منتخب ہواہے۔

بھٹکل سڑک حادثے میں شدید زخمی آٹو ڈرائیور اسپتال میں چل بسا؛ بھٹکل میں رکشہ سروس بند

گزشتہ 11نومبر کو رنگین کٹے کی قومی شاہراہ پر کار اور آٹورکشاکے درمیان ہوئے سڑک حادثے میں شدید زخمی ہوکر اسپتال میں زیر علاج ہیبلے ، تنگنگنڈی کے آٹوڈرائیور ناگیش سنتما نائک (50) کی علاج کارگر نہیں ہونے سے  پیر کی صبح موت ہوگئی ۔

15دنوں کی مہلت دے کر گنا کاشتکاروں نے احتجاج واپس لیا ودھان سودھا میں داخل ہونے کی کوشش ناکام۔مسائل حل کرنے وزیراعلیٰ کا تیقن

چینی ملوں کو گنا فراہم کرنے والے کسانوں نے واجب الادا بلوں کی عدم ادائیگی پر حکومت کے خلاف بنگلور میں احتجاج کیا۔ اپنے مختلف مطالبات کی تکمیل کے لئے حکومت کو 15دنوں کی مہلت دے کر کسانوں نے آج شام اپنا احتجاج واپس لے لیا ۔

کانگریس چھتیس گڑھ میں طویل عرصے کے بعد اقتدار میں لوٹے گی: ویرپا موئلی 

سینئر کانگریس لیڈر ویرپا موئلی کہا کہ چھتیس گڑھ میں 15 سال بعد ان کی پارٹی اقتدار مخالف لہر پر سوار ہوکر اقتدار میں لوٹے گی۔ انہوں نے یہ بھی دعوی کیا کہ کانگریس ریاست کے نکسل متاثرہ علاقوں میں 18 سیٹوں میں اپنی سیٹیں12 سے بڑھا کر 15 کرے گی۔سابق مرکزی وزیر نے یہاں کہاکہ چھتیس گڑھ میں ...

گوا میں بیرونی مچھلیوں کی درآمد پر لگی پابندی سے کاروار، ملپے میں مچھلیاں سستی تو منگلورو میں ہوگئیں مہنگی !

جب سے گوا کی حکومت نے فارمولین کے مسئلے پر بیرونی ریاستوں سے مچھلیوں کی درآمد پر پابندی رکھی ہے اور کچھ قانونی شرائط لاگو کی ہیں، تب سے ساحلی کرناٹکا کے شہروں میں اس کا کچھ ملا جلا اثر دکھائی دے رہا ہے۔

بیلگاوی میں احتجاج کے دوران کسان سورنا سودھا میں گھس گئے، وزیر اعلیٰ کی مداخلت کے بعد گرفتار شدہ افراد کی رہائی ، 20؍نومبر کو بنگلورو میں میٹنگ

شمالی کرناٹک کے بیلگاوی ضلع میں  گناہ اگانے والے کسانوں نے احتجاج کیا اور سوورنا سودھا کے احاطہ میں گنا سے لدی لاریوں کو زبردستی گھسا کر حکومت کے خلاف نعرے لگائے ۔ پولیس نے کارروائی کرتے ہوئے 10؍ کسان لیڈروں کو گرفتار کر لیا ہے اور ان کےخلاف ایف آئی آر درج کردیا ۔

سنجے دت کے ہاتھوں19نومبرکواڈاپٹ فٹنس کا افتتاح، بنگلورو کا بین الاقوامی معیار پر مشتمل سب سے بڑا فٹنس سنٹر عوام کے لئے دستیاب

شہر کے فریزر ٹاؤن میں صحت اور فٹنس کو عام کرنے کے لئے عالمی معیار کی سہولتوں سے لیس ہندوستان کی سب سے بڑی اور خوبصورت جم اڈاپٹ فٹنس کا افتتاح 19نومبر کی شام منعقد کیا گیا ہے۔