منگلور بینک کے 7.5کروڑ کی خطیر رقم لے کرفرار ہونے والے 3 ملزمان کو پولس نے کیا گرفتار

Source: S.O. News Service | By Abu Aisha | Published on 16th May 2017, 9:52 PM | ساحلی خبریں | ان خبروں کو پڑھنا مت بھولئے |

منگلورو:16/مئی (ایس اؤنیوز)شہر کے ییاڑی میں ایکسس بینک سے بنگلورو کے کورمنگلا ایکسس بینک کو رقم پہنچانے کے بجائے تین لوگوں نےساڑھے سات کروڑ کی رقم کی سواری لے کر فرار ہونے کی واردات پیش آئی تھی، مگر مینگلور کی متحرک پولس نے  چند ہی دنوں کے اندر فرار ہونے والوں کو گرفتار کرلیا اور اُن کے پاس سے قریب 6.30 کروڑ روپئے کی رقم برآمد کرلی۔

اپنے دفتر میں پریس کانفرنس کے ذریعے بات کرتے ہوئے  منگلورو پولس کمشنر چندرشیکھر نے کہاکہ بولیرو سواری کے ڈرائیور چتردرگہ کے کری بسپا (24)، گن مین کورگ کے پھووپا(38) اور رقم لوٹنے کی رہنمائی کرنے والے کورگ کے کریپا عرف کاشی (46)نامی ملزمان کو گرفتارکیا گیا ہے اور ان کے پاس سے 6.30 کروڑ روپئے ضبط برآمد کرلئے گئے ہیں۔

انہوں نے مزید بتایا کہ یہ تینوں11مئی کو صبح 30-08بجے 7.5کروڑروپئے لے کر ایس آئی ایس پروسگیور ہولڈنگ کمپنی کی سواری نمبر کے اے 06۔ سی 8389بولیرو کے ذریعے بنگلورو کےلئے نکلے تھے۔ اس سلسلے میں ییاڑی شاخ کے بینک مینجر رنجیت نے کورمنگلا شاخ مینجر کو اطلاع دی تھی۔ لیکن وقت پر رقم نہیں پہنچی تو بینک افسران نے کمپنی کے ذمہ داران کو اطلاع دی۔ جس کے تحت کمپنی کے سچن نے کنکناڑی شہری پولس تھانہ میں کیس درج کیا تھا۔

پولس نے معاملے کی جانچ شروع کی تو پتہ چلا کہ سوموار پیٹ سے 20کلومیٹر دور کمبار وگوڑی نامی جنگل میں رقم چھپا کر رکھی گئی ہے۔ جس پر کارروائی کرتے ہوئے پولس نے تینوں ملزموں کو گرفتارکرلیا۔ پولس نے بتایا کہ معاملے میں کسٹوڈین پرشورام کے رول پر بھی تفتیش کی جائے گی ، جبکہ اس معاملے میں مزید افراد ملوث ہونےکی اطلاع ملی ہے جنہیں بہت جلد گرفتار کیا جائے گا۔ 7.5کروڑ روپیوں میں سے 6.5کروڑ روپئے ضبط کرلئے گئے ہیں۔ بقیہ رقم مفرور ملزمان کے پاس موجود ہونے کے امکانات ہیں۔ کارروائی میں منگلورو شہرمغربی معاون علاقہ کی اے سی پی شرتی ، سی سی آربی کے اے سی پی ویلنٹائن ڈیسوزا کی قیادت والی ٹیمیں شامل تھیں۔

ایک نظر اس پر بھی

اُڈپی کا باجے ڈیم سوکھ رہا ہے۔۔۔ 4 دن میں ایک بار پانی فراہم ہوگا

اڈپی کے جس باجے ڈیم سے شہر کو پانی فراہم کیا جاتا ہے ، اس میں پانی کی شدید قلت پیدا ہوگئی ہے۔ تازہ رپورٹ کے مطابق ڈیم میں موجود پانی سے صرف 7دن تک شہر کو پانی سپلائی کیا جاسکتا ہے۔اس لئے سٹی میونسپال کاونسل نے طے کیا ہے کہ اب صرف چار دن میں ایک بار شہر کے نلوں میں پانی فراہم کیا ...

بھٹکل میں مندر کی دیوار پر خون کے دھبوں کامعاملہ؛ پولس کو ٹوٹے سینگ والے جانوروں کی تلاش

کچھ دن پہلے تعلقہ کی شری دنڈن درگا مندر کی دیوار پر نظر آئے خون کے دھبوں کو لے کر پولس ملزموں کی تلاش میں تھی ، لیکن موصولہ اطلاعات کے مطابق پولس اپنی جانچ کے دوران ملے کچھ سراغوں کی بنیاد پر آگے بڑھی تو پتہ چلا کہ یہ کسی شرپسندوں کی نہیں بلکہ 2جانوروں کے درمیان ہوئی ماردھاڑ کا ...

بھٹکل سرکاری اسپتال کے حالات ابتر :مسائل کو سننے والا کوئی نہیں :تعلقہ پنچایت میٹنگ میں میڈیکل افسر نے ہی پیش کئے مسائل

بھٹکل تعلقہ اسپتال میں عملے کی قلت ہے ، تمام میٹنگوں میں موضوعات پر بحث ہوتی ہے لیکن حل کسی صورت نظر نہیں آنے کا تعلقہ میڈیکل آفیسر ڈاکٹر منجوناتھ شٹی نے بدھ کو منعقدہ تعلقہ پنچایت میٹنگ میں اپنی لاچارگی کااظہار کیا۔

بھٹکل میں جے ڈی ایس کی پریس کانفرنس:جے ڈی ایس ضلع کی ایک مضبوط پارٹی : 30جون کے اندر 20ہزار عہدیداران کی نامزدگی کا تیقن

اترکنڑا ضلع میں جنتا دل سکیولر (جے ڈی ایس )کافی مضبوط و مستحکم ہے، پارٹی کے مداحوں اور لیڈروں کی بہت بڑی تعداد ہے، فی الحال ہمیں لیڈران کی قلت محسوس ہورہی ہے ، 30جون کے اندر ضلع میں 20-24ہزار عہدیداران کو نامزد کرتے ہوئے آئندہ ودھان سبھا انتخابات کی تیاری کرنے کا جے ڈی ایس لیڈر ، ...

بھٹکل :کراٹے جیسے دفاعی فن کو شہر میں متعارف اور مقبول بنانے والے کراٹے واسو انتقال کرگئے: ہزاروں طلبا سوگوار

بھٹکل تعلقہ میں کراٹے جیسے دفاعی فن کو متعارف کراتے ہوئے اس کو مقبول بنانے اور تعلقہ کے ہندو مسلم سمیت کئی لڑکے لڑکیوں کو کراٹے میں ماہربنا نے والےمنڈلی کے واسو این نائک (42) المعروف کراٹے واسو منگل کو فوت ہونے کی دکھ بھری خبر موصول ہوئی ہے۔

بھٹکل :اقلیتی ہاسٹل میں قیام کے خواہش مند اقلیتی طلبا سے عرضیاں مطلوب

ایس ایس ایل سی کے بعد پی یو سی ، ڈگری، ڈپلوما ، آئی ٹی آئی جیسے کورسس میں زیر تعلیم اقلیتی طلبا سے سال 2017-2018کے لئے محکمہ اقلیتی فلاح وبہبودی کی طرف سے اقلیتی ہاسٹل میں رہائش کے لئے خواہش مند طلبا سے عرضیاں مطلوب ہیں۔