گلبرگہ ، 9؍ دسمبر (ایس او نیوز)گرام پنچایت کے سابق صدر راج شیکھر پرانک نے اپنی ملکھیڑ میں گھر گھر کانگریس مہم کے دوران کہا ہے کہ ملکھیڑ میں گھر گھر کانگریس کی مہم شروع ہوچکی ہے۔ انھوں نے کہا کہ ریاستی کانگریس حکومت چیف منسٹر سدرامیا کی قیادت میں عوام کے لئے بہترین خدمات انجام دے رہی ہے ۔ ریاست بھر میں کئی ایک ترقیاتی کا مکمل ہوچکے ہیں اور کئی ایک جاری ہیں ۔چیف منسٹر نے کئی ایک یوجنائیں اور پروگرام شروع کرکے ریاست کو ترقی کی راہ پر گامزن کردیا ہے۔ ریاستی وزیر میڈیکل ایجوکیشن و ضلع انچارج وزیر ڈاکٹر شرنپرکاش پاٹل جو حیدر آباد کرناٹک علاقائی ترقیاتی بورڈ کے صدر نشین بھی ہیں انھوں نے سارے حیدر آباد کرناٹک کے علاوہ تعلقہ سیڑم میں بھی کئی ایک ترقیاتی کام کروائے ہیں اور ان کی قیادت و رہنمائی میں کئی ایک ترقیاتی کام چل رہے ہیں ۔ اس موقع پر گرام پنچایت کے صدر ناگراج نندور نے اپنے خطاب میں کہا کہ کانگریس ہی کے سبب سارے ملک کی ترقی ممکن ہوسکی ہے اور آگے بھی ہوگی۔ اس گھر گھر کانگریس مہم کے اہم شرکا میں اشوک بنڈی ، ردرو پلی، گرام پنچایت کے رکن ویر انا سجن شیٹی، روی تیگل تپی، ملپا اربول، کپنا ایم شنکر ہرلیا، ادئے کمار تلکن، دنیش پاٹل، امین الدین گتہ دار ،وسیم اکرم ، عارف اورسمیر شامل ہیں ۔