منڈگوڈ:بجلی کا تار ٹوٹ کر گرنے سے پانچ گائیں ہلاک
منڈگوڈ 26؍نومبر (ایس او نیوز) یہاں کے ٹبیٹین کیمپ 7میں واقع شمشان کے پاس تالاب میں نہانے والی 5گائیں اس وقت ہلاک ہوگئیں جب ایک بجلی کا تار ٹوٹ کر ان پر گر گیا۔
کہاجاتا ہے کہ جس وقت بجلی کا تار ٹوٹ کر گرا اس وقت تالاب میں 20سے زیادہ گائیں نہا رہی تھیں۔ بجلی کا تار جب ایک گائے پر گرا تو جھٹکے کی وجہ سے وہ تڑپنے لگی اس دوران مزید چار گائیں اس کی زد میں آگئیں۔ اس طرح گائیں ہلاک ہونے سے ان کے مالکان کوہونے والے جملہ نقصان کا اندازہ 3.25 لاکھ روپے لگایا گیا ہے۔معلوم ہوا ہے کہ تبتی کیمپ میں رہنے والوں کو پالنے کے لئے اعلی قسم کی 30سے زیادہ گائیں دلائی لامہ کی طر ف سے فراہم کی گئی تھیں۔