مانچسٹر یونائیٹڈ نے پانچویں بار جیتا انگلش فٹ بال لیگ کا خطاب
لندن،27؍فروری(ایس او نیوز؍آئی این ایس انڈیا)مانچسٹر یونائیٹڈ نے پانچویں بار انگلش فٹ بال لیگ کا ٹائٹل جیت لیا ہے۔خطابی مقابلے میں ا سوڈن کے ا سٹار فٹ بالر جلاٹن ابراہمووک کے شاندار دو گول کی بدولت مانچسٹر نے ساتھیمپٹن کو 3-2سے شکست دے کر ٹائٹل جیت لیا۔ویمبلی اسٹیڈیم میں کھیلے گئے خطابی مقابلے میں مانچسٹر یونائیٹڈ نے جارحانہ کھیل کا مظاہرہ کرتے ہوئے میچ کے 19ویں منٹ میں ابراہمووک کے شاندار گول کی بدولت اپنی ٹیم کو میچ میں 1-0سے آگے کر دیا۔ابراہمووک کے گول( 19منٹ) بعد دوبارہ مانچسٹر یونائیٹڈ نے جارحانہ کھل دکھاتے ہوئے 38ویں منٹ میں 24سالہ جی سی نکشلگارڈ نے ایک اور گول داغ کر مانچسٹر یونائیٹڈ کو مقابلے میں 2-0سے آگے کر دیا۔ہاف ٹائم کے بعد ساتھیمپٹن نے شاندار واپسی کی اور تین منٹ کے اندر ہی دو گول کر دئے۔ساتھیمپٹن کی طرف سے اٹلی کے فارورڈ منولو گبندنی نے 46ویں اور پھر 48ویں منٹ میں بہترین گول کرکے اپنی ٹیم کو میچ میں واپس لا کھڑا کر دیا اور خطاب جیتنے کی اپنی توقعات کو برقرار رکھا۔گبندنی کا نپولی چھوڑ کر ساتھیمپٹن کے جڈنے کے بعد سے تین میچوں میں ان کی یہ پانچویں گول ہے۔گبندنی کے دہرے دھماکے سے میچ انتہائی دلچسپ ہو گیا اور دونوں ٹیموں کی جانب سے جیت کو لے کر جدوجہد تیز ہو گئی لیکن میچ میں مانچسٹر یونائیٹڈ کے لیے اسٹار بننے والے ابراہمووک نے 87ویں منٹ میں ایک اور گول کر کے اپنی ٹیم کو 3-2کی برتری دلا دی۔ابراہمووکا کا سیشن کا یہ 26واں گول تھا۔میچ میں اس کے بعد اور کوئی گول نہیں ہوسکا اور مانچسٹر یونائیٹڈ نے خطاب 3-2سے جیت لیا۔