منگلورو: ششی کانت شینتھل نے دکشن کنڑا ضلع ڈپٹی کمشنر کا چارج سنبھالا
منگلورو:19/ اکتوبر (ایس اؤنیوز)دکشن کنڑا ضلع کے نئے ڈپٹی کمشنر کے طورپر ششی کانت سینتھل ایس نے جمعرات کو چارج سنبھالا۔ کارگزار ڈی سی کمار نے نئے ڈی سی کو چارج منتقل کرتےہوئےان کا استقبال کیا۔
اس موقع پر ضلع پنچایت کے ایگزکیٹیو آفیسر ڈاکٹر ایم آر روی ، منگلورو اسسٹنٹ کمشنر رینوکاپرساد، ضلع پنچایت نائب سکریٹری این آر امیش اور ضلعی سطح کے مختلف محکمہ جات کے افسران موجود تھے۔ خیال رہے کہ ششی کانت سینتھل ڈی سی کے عہدے پر فائز ہونے تک ریاست کے محکمہ کان کنی اور اراضی کے ڈائرکٹر تھے۔ آئی اے ایس 2009بیچ کے آفیسر ششی کانت پورے ملک میں 9واں رینک حاصل کیا تھا۔ آپ کا تعلق ریاست تمل ناڈو سے ہے ۔