رتناگری کا ایک شخص ایک سال سے لاپتہ ؛ آخری بار بھٹکل میں دیکھے جانے کی خبر؛ گھروالوں کی عوام سے مدد کی اپیل
بھٹکل 24/جولائی (ایس او نیوز) رتناگیری کے محمد شریف محمد حُسین منیار جن کی عمر قریب 60 سال ہے، گذشتہ ایک سال سے گھر سے کسی بات پر ناراض ہوکر چلے گئے تھے، واپس نہیں لوٹے۔ ان کی گمشدگی کو لے کر گھروالے بے حد پریشان ہیں اور جگہ جگہ ان کو تلاش کررہے ہیں۔ گھروالوں کو خبر ملی ہے کہ ان کو آخری بار ماہ رمضان میں بھٹکل میں دیکھا گیا ہے۔
محمد شریف کے فرزند وسیم ان کو تلاش کرتے کرتے اب بھٹکل پہنچ گئے ہیں ۔ انہوں نے بتایا کہ گھر والے ان کی اطلاع نہ ملنے پر بے حد پریشان ہیں۔ انہوں نے اپنے والد کو مخاطب کرتے ہوئے کہا ہے کہ وہ برائے کرم واپس گھر پہنچے۔
وسیم نے بھٹکل کے عوام سے بھی درخواست کی ہے کہ اگر کسی کو محمد شریف کے تعلق سے کوئی جانکاری ہو تو برائے کرم موبائل نمبر: 7276107547 یا 9763734937 پر رابطہ کرکے خبر دیں۔
