کاروار12/جون (ایس او نیوز)  تعلقہ کے نندن گدّا  میں ایک شخص نے ایک عمارت کی چھت سے لٹک کر خودکشی کرلی جس کے تعلق سے بتایا گیا ہے کہ وہ  گذشتہ دوماہ سے ایک ہوٹل میں ملازم تھا۔  خودکشی کی یہ واردات آج منگل صبح پیش آئی ہے۔

ابتدائی چھان بین سے پتہ چلاہے کہ اس شخص کا تعلق ضلع چکمنگلور کے گونی بیڈ دیہات سے تھا، اور نندن گڈّا علاقہ میں واقع ایک ہوٹل میں ملازمت کررہا تھا، آج صبح اس کی لاش اُسی ہوٹل کے عقب میں عمارت کے باہر چھت سے لٹکتی ہوئی پائی گئی ہے۔

خودکشی کی وجہ ابھی معلوم نہیں ہوسکی ہے۔

لاش کو عمارت کے باہر لٹکتی ہوئی دیکھ کر فوری پولس کو خبر کی گئی اور پولس نے جائے وقوع پر پہنچ کر چھان بین شروع کردی۔

کاروار ٹائون پولس تھانہ میں معاملہ درج کیا گیا ہے۔