بھٹکل کے ہاڈولی دیہات میں ایک شخص نے کی خودکشی؛ زہر پینے سے پہلے لکھی تھی چٹی

Source: S.O. News Service | By I.G. Bhatkali | Published on 11th October 2017, 6:50 PM | ساحلی خبریں |

بھٹکل 11/اکتوبر (ایس او نیوز)  تعلقہ کے ہاڈولی  ، ہلیانی دیہات میں ایک شخص نے زہر کھاکر خودکشی کرلی جس کی شناخت مہاویر جینادتّا آلور (51) کی حیثیت سے کی گئی ہے۔ بتایا گیا ہے کہ اس نے کھیتوں میں کیڑوں کو مارنے والی دوائی کھا کر خودکشی کی ہے۔

ذرائع سے ملی اطلاع کے مطابق  مہاویر کی اہلیہ اور اُس کا بیٹا ممبئی میں رہتے ہیں، دو تین روز قبل اُن سے بات چیت ہوئی تھی، مگر کل منگل صبح اُس نے کیڑوں کو مارنے والی دوائی کھاکر خودکشی کی ہے۔ پولس ذرائع کے مطابق جائے وقوع پر خودکشی نوٹ بھی ملا ہے، جس میں لکھا ہے کہ وہ زندگی سے بیزار ہوکر موت کو لگارہا ہے، نوٹ میں آخر میں سبھوں سے معافی بھی مانگی ہے۔

مہاویر کے بھائی دھرنیندرا جینا دتّا کی شکایت پر بھٹکل مضافاتی پولس تھانہ میں معاملہ درج کیا گیا ہے اور پولس مزید چھان بین کررہی ہے۔

 

ایک نظر اس پر بھی

امن کے باغ میں تشدد کا کھیل کس لئے؟ خصوصی اداریہ

ضلع شمالی کینر اکو شاعرانہ زبان میں امن کا باغ کہا گیا ہے۔یہاں تشدد کے لئے کبھی پناہ نہیں ملی ہے۔تمام انسانیت ،مذاہب اور ذات کامائیکہ کہلانے والی اس سرزمین پر یہ کیسا تشددہے۔ ایک شخص کی موت اور اس کے پیچھے افواہوں کا جال۔پولیس کی لاٹھی۔ آمد ورفت میں رکاوٹیں۔ روزانہ کی کمائی سے ...

سرسی فساد کے9 ملزمین کی ضمانت پر رہائی؛ 62کو بھیجا گیا عدالتی حراست میں

سرسی فساد کے پس منظر میں جن ملزمین کو حراست میں لیا گیا تھا ان میں ایم ایل اے وشویشور ہیگڈے کاگیری سمیت  9 ملزمین کو ضمانت پر رہا کردیا گیا جبکہ 62 ملزمین کو عدالتی حراست میں دھارواڑ جیل بھیج دیا گیا ہے۔

ہوناور میں پریش کی موت کا معاملہ: انصاف نہیں ملا تو ہم خود کشی کرلیں گے ؛ پریش کے والد کا بیان؛ دیشپانڈے کی رقم واپس لوٹانے کا انتباہ

ہوناور تشد د میں ہلاک ہوئے پریش میستا کے والد کملا کر میستا نے اپنے خاندان والوں کے ساتھ ہوناور کے ساگر ریسڈینسی میں پریس کانفرنس کرتےہوئے کہاکہ ہمیں ریاستی سرکار اور پولس پر اعتماد نہیں ہے،ہلاکت کی جانچ سی بی آئی یا این آئی اے کی طرف سے جانچ کرانے کا مطالبہ کیا۔

پریش میستا قتل معاملہ کی این آئی اے سے تحقیقات کا مطالبہ، منصفانہ جانچ نہیں ہوئی تو ساحلی علاقہ جل اٹھے گا: شو بھا کرند لاجے کا انتباہ

بھارتیہ جنتا پارٹی ( بی جے پی ) کی ریاستی جنرل سکریٹری ورکن پارلیمان شو بھا کرند لاجے نے خبردار کیا ہے کہ اگر ہوناور کے پریش میستا قتل کی تحقیقات ریاستی حکومت مناسب طریقہ سے نہیں کرے گی تو ساحلی علاقہ جل اٹھے گا۔

اُترکنڑا کے مختلف علاقوں میں سنگھ پریوار کے کارکنوں کے ہنگاموں سے بھٹکل میں بھی تشویش کی لہر؛ کل بدھ کو بھٹکل بندکا اعلان؛ مرڈیشورکے ایک مکان پر پتھرائو

گذشتہ کچھ دنوں سے ضلع اُترکنڑا کے مختلف شہروں میں ہورہے سنگھ پریوار کے کارکنوں کے احتجاج کے نام پر  ہنگاموں کو دیکھتے ہوئے  شہر بھٹکل کے عوام میں بھی تشویش پائی جارہی ہے، ایسے میں وہاٹس ایپ پر کنڑا کا ایک مسیج تیزی کے ساتھ وائرل ہورہا ہے جس میں بتایا گیا ہے کہ کل بدھ کو بھٹکل، ...

ہوناور میں لاپتہ ہونے والا سرسی کا نوجوان زندہ سلامت مل گیا؛ چار روز تک پاگلوں کی طرح جنگل کی خاک چھانتا رہا

چار روز قبل جمعہ کے دن ہوناور کے ہاڈین بال میں شرپسندوں کے حملوں کے بعد لاپتہ ہونے والا سرسی کا نوجوان آج ہوناور کے جنگل میں زندہ سلامت مل گیا، جس کے ساتھ ہی اُن کے گھر پر رونق لوٹ آئی اور گھروالوں سمیت مقامی لوگوں نے اللہ کا شکر بجالیا۔