مینگلور کے قریب اُلال میں جنسی ہراسانی کے الزام میں ایک شخص گرفتار
مینگلور 8/اکتوبر (ایس او نیوز) یہاں اُلال پولس تھانہ حدود میں ایک کنسٹرکشن کمپنی کے مینجر کو اس الزام کے تحت گرفتار کرلیا گیا کہ اُس نے تعمیراتی کام کرنے والی ایک لڑکی کے ساتھ جنسی طور پر ہراساں کیا ہے۔
ذرائع سے ملی اطلاع کے مطابق گرفتار شدہ شخص کی شناخت اُپلا کے رہنے والے عبدالطیف (37) کی حیثیت سے کی گئی ہے جو ایک پرائیویٹ کنسٹرکشن کمپنی میں مینجر کے عہدہ پر فائز ہے۔
کمپنی میں ملازمت کرنے والی ایک لڑکی نے پولس تھانہ میں شکایت کی تھی کہ کوٹیکر میں زیرتعمیر عمارت کے تعمیری کام کے دوران ملزم کمپنی کے اُس کے چمبر میں اُس وقت داخل ہوا، جب وہاں وہ اکیلی تھی، لڑکی کے مطابق مینجر نے اُس کے ساتھ جنسی ہراسانی کی اور اُسے دھمکی بھی دی۔
پولس نے فوری طور پر مختلف دفعات کے تحت معاملہ درج کرتے ہوئے ملزم مینجر کو گرفتار کرلیا گیا۔ اُلال پولس اس تعلق سے مزید چھان بین کررہی ہے۔
