یلاپور : خاتون کی عصمت دری کے الزام میں ایک شخص گرفتار
یلاپور،25؍جولائی (ایس او نیوز)ایک درمیانی عمر کی خاتون کو مبینہ طور پر اس کے گھر سے زبردستی جنگل کی طرف کھینچ لے جانے اور اس کی عصمت دری کرنے کے بعد جان سے مارنے کی دھمکی دینے کا واقعہ یلاپور تعلقہ کے ناگرکھان علاقے میں پیش آیا ہے۔
موصولہ رپورٹ کے مطابق یہ واقعہ اتوار کی شام کو پیش آیا جب مذکورہ خاتون گھر میں اکیلی تھی تومنجو ناتھ ناگیا سدّی نامی ملزم نے اس کے ساتھ عصمت دری کی اور اس کے بارے میں کسی کو بتانے پر جان سے مارڈالنے کی دھمکی دی۔ خاتون کی طرف سے یلاپور پولیس اسٹیشن میں شکایت درج کروانے کے بعد پولیس نے منجو ناتھ سدّی کو گرفتار کرلیا ہے۔