بی جے پی نے ممتا حکومت کو کیا چیلنج ، کہا ہمت ہے تو رتھ یاترا روک کر دکھائیں

Source: S.O. News Service | By Shahid Mukhtesar | Published on 6th December 2018, 8:47 PM | ملکی خبریں |

کوچ بہار(مغربی بنگال)،06؍ دسمبر (ایس او نیوز؍آئی این ایس انڈیا) بھارتیہ جنتا پارٹی کی مغربی بنگال یونٹ کے صدر دلیپ گھوش نے جمعرات کو الزام لگایا کہ ترنمول کانگریس حکومت اپوزیشن کی آواز کو دبانے کی کوشش کر رہی ہے۔انہوں نے ترنمول کانگریس کو ریاست میں ان کی پارٹی کے رتھ یاترا پروگرام کو روکنے کا چیلنج دیا۔

انہوں نے کہا کہ بی جے پی کا عدلیہ پر پورا بھروسہ ہے اور یہاں جمعہ سے شروع ہونے والے رتھ یاترا کے پروگرام کے لئے اجازت لینے کے واسطے پارٹی نے عدالت کا رخ کیا ہے۔ گھوش نے کہاکہ ہم جانتے تھے کہ ہمیں پروگرام کے لئے اجازت نہیں دیں گے۔اس لئے ہم نے پولیس کی اجازت کے لئے تقریبا ایک ماہ قبل ریاستی حکومت کا رخ کیا تھا۔لیکن وہ اس معاملے میں تاخیر کرتے رہے اور اب آخری لمحے میں وہ ہمیں اجازت دینے سے انکار کر رہے ہیں۔

بی جے پی نے بدھ کو کلکتہ ہائی کورٹ کا رخ کیا تھا۔پارٹی نے دعوی کیا تھا کہ مغربی بنگال انتظامیہ اور پولیس سات دسمبر سے ریاست میں نکالی جانی والی تین ریلیوں کے لئے ان کی درخواست پر کوئی جواب نہیں دے رہی تھی۔ بی جے پی صدر امت شاہ کو سات دسمبر کو ریاست میں تین رتھ یاترا پر مبنی پارٹی کی جمہوریت بچاؤ ریلی کی شروعات کرنی ہے۔گھوش نے کہا کہ ٹی ایم سی حکومت کے پاس سیاسی پروگرام منعقد کرنے کی اجازت دینے سے انکار کرنے کا آئینی حق نہیں ہے۔

انہوں نے کہا کہ ہر سیاسی پارٹی کے پاس اپنا پروگرام منعقد کرنے کا حق ہے۔گھوش نے کہا ٹی ایم سی ہمیں روکنے والے کون ہوتے ہیں۔انہوں نے کہاکہ ٹی ایم سی کا ارادہ ایک تنازعہ اور ناخوشگوار صورت حال پیدا کرنے کا ہے تاکہ وہ ہم پر الزام لگا سکیں۔لیکن ہم ان کی زد میں نہیں آئیں گے۔ انہوں نے الزام لگایا کہ ریاست کے مختلف حصوں میں ٹی ایم سی سے جڑے غنڈوں کے ذریعہ بی جے پی کارکنوں کو دھمکی دی جا رہی ہے۔

ایک نظر اس پر بھی

مدھیہ پردیش اور مرکز کی بی جے پی حکومت خاتون، نوجوان اور کسان مخالف: جیتو پٹواری

 مدھیہ پردیش میں لوک سبھا انتخابات کی مہم زور پکڑ رہی ہے۔ کانگریس قائدین کی موجودگی میں شہڈول پارلیمانی حلقہ کے امیدوار پھندے لال مارکو اور منڈلا کے امیدوار اومکار سنگھ مرکام نے اپنے کاغذات نامزدگی داخل کئے۔ اس موقع پر کانگریس لیڈروں نے کہا کہ ریاستی اور مرکزی حکومتیں ...

عدلیہ کی سالمیت کو خطرہ قرار دیتے ہوئے 600 وکلا کا چیف جسٹس آف انڈیا کو مکتوب

عدالتی سالمیت کے خطرے کے حوالے سے ہندوستان بھر کے ۶۰۰؍ وکلاء جن میں ایڈوکیٹ ہریش سالوے اور بار کونسل آف انڈیا کے چیئرمین منن کمار شامل ہیں نے چیف جسٹس آف انڈیا ڈی وائی چندرچڈ کو مکتوب لکھا ہے۔ وکلاء نے ’’مفاد پرست گروہ‘‘ کی مذمت کی ہے جو عدالتی عمل میں ہیرا پھیری، عدالتی ...

ملک کی وزیر خزانہ نرملا سیتارمن کے پاس الیکشن لڑنے کے لیے پیسے نہیں!

ملک کے خزانے کا حساب و کتاب رکھنے والی وزیر خزانہ نرملا سیتارمن کے پاس الیکشن لڑنے کے لیے پیسے نہیں ہیں۔ یہ انکشاف انہوں نے خود ہی کیا ہے۔ انہوں نے کہا کہ پارٹی صدر جے پی نڈا نے مجھ سے لوک سبھا الیکشن لڑنے کے بارے میں پوچھا تھا مگر انہوں نے انکار کر دیا کیونکہ ان کے پاس الیکشن ...

مہوا موئترا نے ای ڈی کے سمن کو کیا نظر انداز، کرشنا نگر میں چلائیں گی انتخابی مہم

 ترنمول کانگریس (ٹی ایم سی) لیڈر مہوا موئترا نے انفورسمنٹ ڈائریکٹوریٹ (ای ڈی) کے سمن کو نظر انداز کرتے ہوئے کہا کہ وہ آج کرشنا نگر لوک سبھا حلقہ میں انتخابی مہم چلائیں گی۔ انہیں دہلی میں ای ڈی کے دفتر میں پوچھ گچھ کے لیے حاضر ہونے کو کہا گیا تھا۔

دہلی میں شدید گرمی، درجہ حرارت 37 ڈگری سیلسیس تک پہنچا

 دہلی اور اس کے آس پاس کے علاقوں میں درجہ حرارت میں اضافہ درج کیا جانے لگا ہے اور مارچ میں ہی گرمی نے اپنا زور دکھانا شروع کر دیا ہے۔ محکمہ موسمیات کے مطابق بدھ کو قومی راجدھانی میں رواں سال کا گرم ترین دن ریکارڈ کیا گیا۔ دریں اثنا، زیادہ سے زیادہ درجہ حرارت 37 ڈگری سیلسیس تک پہنچ ...