مرکزی حکومت کے وزراء کے پاس کوئی کام نہیں ہے ،فرصت میں گھوم کرفرقہ وارانہ ماحول پیداکررہے ہیں:چٹرجی 
کولکاتہ،23؍جولائی(ایس او نیوز؍آئی این ایس انڈیا)مغربی بنگال میں حکمراں ترنمول کانگریس کے جنرل سکریٹری پارتھا چٹرجی نے پارٹی صدراوروزیراعلیٰ ممتابنرجی کے خلاف تیکھے تبصرہ کرنے والی بھارتیہ جنتا پارٹی (بی جے پی)پر جم کر نشانہ لگایا۔بنگال کے وزیر تعلیم چٹرجی نے کہاکہ ممتا بنرجی کی مقبولیت اور ان کی توجہ سے جلن اور حسدکی وجہ سے وہ ایساکہہ رہے ہیں۔وہ کوئی وقت پہلے یہاں آئے ہیں۔کیلے کی پتیوں پرکھانا کھاتے ہیں۔پانچ ستارہ ہوٹلوں میں ڈنرکرتے ہیں۔اشتعال انگیز تبصرے کرتے ہیں اورچلے جاتے ہیں۔چٹرجی نے کہا، یہاں تک کہ بھارت میں مودی کی بھی اتنی مقبولیت نہیں ہے۔ٹی ایم سی سیکرٹری جنرل نے کہاکہ چونکہ سارا کام خود مودی کررہے ہیں لہٰذامرکزی وزراء کے پاس کوئی کام نہیں ہے۔وہ صرف ادھر ادھر گھوم رہے ہیں۔وہ عوام کے مسائل کو سمجھنے کی کوشش نہیں کر رہے ہیں۔غورطلب ہے کہ ہفتہ کو ہی مرکزی وزیربرائے فروغ انسانی وسائل پرکاش جاوڑیکرنے کہاتھاکہ ممتابنرجی مودی کو اقتدار سے بے دخل کرنے کاخواب دیکھ رہی ہیں جو پورا نہیں ہوسکے گا۔جاوڑیکر کے الزامات کا جواب دیتے ہوئے چٹرجی نے کہاکہ وہ تاریخ کے بارے میں کچھ نہیں جانتے ہیں۔90کی دہائی میں مذہبی تشدد کے دوران مدرٹریسا کے ساتھ سڑکوں پر کون دوڑ رہا تھا؟۔ وہ فرقہ واریت پھیلا رہے ہیں۔آپ فرقہ وارانہ تشدد کے ذریعے بنگال کو تقسیم کرنا چاہتے ہیں۔جاوڑیکر نے جو کچھ کہا وہ آخر ہے اور اس کا حقیقت سے کوئی ناطہ نہیں ہے۔بی جے پی پر ملک کی تعلیمی نظام کے’’بھگوا کرن‘‘کاالزام لگاتے ہوئے چٹرجی نے مرکز کی طرف سے ریاستوں کی رضامندی لئے بغیر پالیسیاں مسلط کرنے کی مذمت کی۔انہوں نے کہاکہ تعلیم اور ہر دوسرے اداروں کے بھگوا کرن کی کوششیں کی جا رہی ہیں۔وہ ہر جگہ اس آدمی بٹھا رہے ہیں۔بری تعلیم دینا ان کی عادت میں ہیں۔ان سے ہم اور امید بھی کیا کر سکتے ہیں۔انہوں نے لوک سبھا میں بل پیش کرنے سے پہلے ہم سے رابطہ تک نہیں کیا۔وہ پاس فیل پالیسی کو لے کر الجھن پیدا کر رہے ہیں۔