ٹکٹ سے محروم کانگریسیوں کو احتجاج نہ کرنے ملیکارجن کھرگے کی اپیل

Source: S.O. News Service | By Shahid Mukhtesar | Published on 17th April 2018, 12:58 AM | ریاستی خبریں |

بنگلورو، 16؍اپریل(ایس او نیوز) کانگریس پارٹی اعلیٰ کمان کی طرف سے ٹکٹوں کی تقسیم کے بعد ریاست کے بعض حصوں میں پارٹی کارکنوں کی طرف سے کئے گئے احتجاج پر افسوس کا اظہار کرتے ہوئے ریاستی لوک سبھا میں کانگریس پارٹی لیڈر ملیکارجن کھرگے نے پارٹی کارکنوں سے اپیل کی ہے کہ وہ اس طرح کا کوئی احتجاج نہ کریں۔ کیونکہ اس سے انتخابات میں پارٹی کی ساکھ متاثر ہوگی ۔

کھرگے  نے کہاکہ بی جے پی کو اقتدار سے دور رکھنے کی خاطر پارٹی کے جن لوگوں کو ٹکٹ ملا ہے ان تمام کو کامیاب بنانے کے لئے تمام ارکان اسمبلی اور کارکنوں کو مل جل کر کام کرنا چاہئے، انہوں نے یقین دلایا کہ جن لوگوں کو ٹکٹ نہیں ملا ہے اقتدار ملنے کے بعد پارٹی ان کے لئے مناسب مقام اور مرتبے کا خیال ضرور رکھے گی۔

ملیکارجن کھرگے نے کانگریسیوں سے اپیل کی کہ وہ احتجاج کرکے بلاوجہ پارٹی کی ساکھ کو متاثر نہ کریں۔ اس دوران بتایاجاتاہے کہ ٹکٹوں کی تقسیم کے معاملے میں وزیراعلیٰ سدرامیا کے غلبے کو لے کر ملیکارجن کھرگے سمیت پارٹی کے بعض لیڈر خوش نہیں ہیں، لیکن صدر کانگریس راہول گاندھی نے تاکید کی ہے کہ کسی بھی حال میں پارٹی کو اقتدار پر لانا تمام لیڈروں کی ذمہ داری ہوگی، اس میں اگر کسی سے بھی کوتاہی ہوگی تو انہیں جواب دہ بنایا جائے گا، اس کی وجہ سے کوئی بھی لیڈر اپنی ناراضی کھل ظاہر نہیں کرپارہا ہے۔ بتایاجاتاہے کہ ملیکارجن کھرگے امیدواروں کے انتخاب کے مرحلے میں اعلیٰ کمان کے پاس اپنی ایک الگ فہرست کے ساتھ پہنچے تھے ، لیکن سدرامیا کی فہرست کے آگے ان کی ایک نہیں چلی ، کانگریس پارٹی نے جن 218امیدواروں کااعلان کیا ہے ان میں سے 150 سے زائد امیدوار ایسے ہیں جن کے ناموں کی سفارش سدرامیا نے کی ہے، جبکہ دیگر لیڈران کے تجویز کردہ بیشتر امیدواروں کے نام فہرست میں شامل نہیں ہیں۔ ٹکٹوں کی تقسیم کے بعد قدیم کانگریسیوں نے یہ تاثر دینے کی کوشش کی ہے کہ سدرامیا جنتادل کے اپنے پرانے ساتھیوں کو کانگریس میں لاکر ان کی باز آباد کاری کی کوشش کررہے ہیں۔ 

ایک نظر اس پر بھی

گھوٹالہ باز جناردن ریڈی کی بی جے پی میں شمولیت مودی حکومت کے بدعنوانی ختم کرنے کے دعووں کی قلعی کھول رہی: کانگریس

کانگریس نے 35 ہزار کروڑ روپے کے غیر قانونی خام لوہا کانکنی گھوٹالہ کے ملزم جناردن ریڈی کے بی جے پی میں شامل ہونے پر آج زوردار حملہ کیا۔ کانگریس لیڈر پون کھیڑا نے نئی دہلی واقع کانگریس ہیڈکوارٹر میں ایک پریس کانفرنس سے خطاب کرتے ہوئے کہا کہ گھوٹالہ باز جناردن ریڈی کی بی جے پی ...

منگلورو میں 'جاگو کرناٹکا' کا اجلاس - پرکاش راج نے کہا : اقلیتوں کا تحفظ اکثریت کی ذمہ داری ہے 

'جاگو کرناٹکا' نامی تنظیم کے بینر تلے مختلف عوام دوست اداروں کا ایک اجلاس شہر کے بالمٹا میں منعقد ہوا جس میں افتتاحی خطاب کرتے ہوئے مشہور فلم ایکٹر پرکاش راج نے کہا کہ ایک جمہوری ملک میں اقلیتوں کو تحفظ فراہم کرنا اکثریت کی ذمہ داری ہوتی ہے ۔

تنازعات میں گھرے رہنے والے اننت کمار ہیگڈے کو مودی نے کیا درکنار

پارلیمانی الیکشن کے دن قریب آتے ہی اننت کمار ہیگڑے نے گمنامی سے نکل کر اپنے حامیوں کے بیچ پہنچتے ہوئے اپنے حق میں ہوا بنانے کے لئے جو دوڑ دھوپ شروع کی تھی اور روز نئے متنازعہ بیانات  کے ساتھ سرخیوں میں بنے رہنے کی جو کوششیں کی تھیں اس پر پانی پھِر گیا اور ہندوتوا کا یہ بے لگام ...

لوک سبھا انتخابات میں بی جے پی نے اننت کمار ہیگڈے کو دکھایا باہرکا راستہ؛ اُترکنڑا کی ٹکٹ کاگیری کو دینے کا اعلان

اپنے کچھ موجودہ ممبران پارلیمنٹ کو نئے چہروں کے ساتھ تبدیل کرنے کے اپنے تجربے کو جاری رکھتے ہوئے، بی جے پی نے سابق مرکزی وزیر اور اُتر کنڑ اکے ایم پی، اننت کمار ہیگڑے کو باہر کا راستہ دکھاتے ہوئے  آنے والے لوک سبھا انتخابات میں  ان کی جگہ اُترکنڑا حلقہ سے  سابق اسمبلی اسپیکر ...

ٹمکورو میں جلی ہوئی لاشوں کا معاملہ - خزانے کے چکر میں گنوائی تھی  تین لوگوں نے جان

ٹمکورو میں جلی ہوئی کار کے اندر بیلتنگڈی سے تعلق رکھنے والے تین افراد کی جو لاشیں ملی تھیں، اس معاملے میں پولیس کی تحقیقات سے اب یہ بات سامنے آئی ہے کہ خزانے میں ملا ہوا سونا سستے داموں پر خریدنے کے چکر میں ان تینوں نے پچاس لاکھ روپوں کے ساتھ اپنی بھی جانیں گنوائی تھیں ۔