مالیگاؤں 2008ء بم دھماکہ معاملہ، ڈاکٹر سعید فارانی کی گواہی عملی آئی جنہوں65؍ زخمیوں کا علاج کیا تھا،بھگواء ملزم کے وکیل نے بے بنیاد الزام عائید کیا، کارروائی کل تک کے لیئے ملتوی

Source: S.O. News Service | By Shahid Mukhtesar | Published on 6th December 2018, 9:53 PM | ملکی خبریں |

ممبئی،6دسمبر(ایس او نیوز؍پریس ریلیز)مالیگاؤں2008 بم دھماکہ معاملے میں آج چوتھے سرکاری گواہ کی گواہی عمل میں آئی جس کے دوران گنجان مسلم آبادی والے شہر مالیگاؤں کے مشہور سرجن ڈاکٹر سعید فارانی جنہوں نے ان بم دھماکوں میں زخمی ہونے والے 56؍ معصوم افراد کا علاج کیاتھا نے عدالت کو بتایاکہ انہوں نے زخمیوں کی رپورٹ ان کے زخموں کے اور ان کی طبی حالت کی مناسبت سے تیار کی تھی جس سے ظاہر ہوتا ہیکہ زخم بم دھماکوں کے ہی تھے۔خصوصی عدالت میں آج دوران گواہی ڈاکٹر سعید فارنی نے عدالت کو بتایا کہ ابتک وہ226؍ ایسے افراد کا علاج کرچکے ہیں جو بم دھماکوں میں زخمی ہوئے تھے جس میں مالیگاؤں 2008 اور مالیگاؤں2006بم دھماکے شامل ہیں۔ ڈاکٹر سعید فارانی نے مزید بتایا کہ2006ء مالیگاؤں بم دھماکہ معاملے میں170؍ زخمیوں کا انہوں نے مفت علاج کیا تھا جبکہ مالیگاؤں2006 ء بم دھماکہ معاملے میں انہیں ۵۶؍ زخمیوں کے علاج کے عوض میں حکومت کی جانب سے چند ہزار روپیئے ملے تھے جو انہیں آج یاد بھی نہیں ہے۔ڈاکٹر سعید فارانی نے عدالت کو بتایا کہ بم دھماکوں میں زخمی ہونیوالوں کی عیادت کرنے کے لیئے جب سونیا گاندھی اور ان کے رفقاء نے ان کے اسپتال کا دورہ کیا تھا اس وقت انہوں نے سونیا گاندھی سے کہا تھا کہ انہیں کسی معاوضہ کی ضرروت نہیں بلکہ ان کی یہ خواہش ہیکہ حکومت مالیگاؤں میں ایک اعلی درجے کا اسپتال تعمیر کرے۔خصوصی این آئے جج نود پڈالکر اور عدالت میں موجود وکلاء نے ان کے اس اقدام کی سراہنا کی ہے اوران کا شکریہ ادا کیا۔اسی درمیان وکیل استغاثہ اویناس رسال نے ڈاکٹر سعید فارانی سے زخمیوں کے متعلق ان کے ذریعہ مرتب کی گئی میڈیکل رپورٹ کے تعلق سے تفصیلات طلب کی جسے ڈاکٹر سعید فارانی نے بتاتے ہو ئے عدالت کوبتایاہے کہ بم دھماکوں کے والی شب وہ ان کے اسپتال میں تھے جب زخمیوں کو ان کے اہل خانہ، رشتہ اور عوام نے علاج کے لیئے ان کو ’’فاران اسپتال‘‘ میں بھرتی کیا تھا جن کا انہوں نے علاج کیا اور اور سنگین زخمیوں کو دیگر اسپتالوں میں منتقل کیا تھا۔ڈاکٹر سعید فارانی 65؍ زخمی افراد کی تفصیل پیش کرنے کے ساتھ ساتھ عدالت میں ان کے اور ان کے معاونین کے ذریعہ مرتب کیئے گئے میڈیکل سرٹیفیکٹ عدالت میں پیش کیئے جسے عدالت نے اپنے ریکارڈ پر درج کیا۔اس معاملے کا سامنے کررہے ۷؍ میں سے6 ؍ ملزمین نے ڈاکٹر سعید فارانی کے ذریعہ مرتب کی گئی میڈیکل رپورٹ پر اعتراض نہیں کیا اور اسے قبول کرلیا جبکہ ایک ملزم سوامی دھر دویدی کے وکیل نے ڈاکٹر سعید فارانی سے دوران جرح ان پر یہ الزام عائد کیا کہ انہوں نے این آئی اے کے دباؤ میں مریضوں کی جعلی طبی رپورٹ مرتب کی ہے نیز ان کے اسپتال میں کبھی کوئی مریض علاج کے لیئے لایا ہی نہیں گیا تھا جس پر ڈاکٹر سعید فارانی نے مسکراتے ہو ئے انہیں جواب دیا کہ ان کا یہ سوال نہایت بے بنیاد ہے ۔ آج ڈاکٹر سعید فارانی کی گواہی مکمل ہوئی جس کے بعد عدالت نے گواہی کے لیئے دیگر ڈاکٹروں کو حاضر کرنے کا استغاثہ کو حکم دیا۔دوران کارروائی عدالت میں متاثرین کی نمائندگی کرنے والی تنظیم جمعیۃ علما ء مہاراشٹر (ارشد مدنی) کے وکلاء شاہد ندیم، ابھیشک پانڈے اور ڈاکٹر سعید فارانی کے معاونین ڈاکٹر الطاف اور شاہد فٹر موجود تھے ۔

ایک نظر اس پر بھی

وزیراعظم مودی نے کابینہ سمیت سونپا صدرجمہوریہ کو استعفیٰ، 30 مئی کو دوبارہ حلف لینےکا امکان

لوک سبھا الیکشن کے نتائج کے بعد جمعہ کی شام نریندرمودی نے وزیراعظم عہدہ سے استعفیٰ دے دیا۔ ان کے ساتھ  ہی سبھی وزرا نے بھی صدرجمہوریہ کواپنا استعفیٰ سونپا۔ صدر جمہوریہ نےاستعفیٰ منظورکرتےہوئےسبھی سے نئی حکومت کی تشکیل تک کام کاج سنبھالنےکی اپیل کی، جسے وزیراعظم نےقبول ...

نوجوت سنگھ سدھوکی مشکلوں میں اضافہ، امریندر سنگھ نے کابینہ سے باہرکرنے کے لئے راہل گاندھی سے کیا مطالبہ

لوک سبھا الیکشن میں زبردست شکست کا سامنا کرنے والی کانگریس میں اب اندرونی انتشار کھل کرباہرآنے لگی ہے۔ پہلےسے الزام جھیل رہے نوجوت سنگھ سدھو کی مشکلوں میں اضافہ ہونےلگا ہے۔ اب نوجوت سنگھ کوکابینہ سےہٹانےکی قواعد نے زورپکڑلیا ہے۔

اعظم گڑھ میں ہارنے کے بعد نروہوا نے اکھلیش یادو پر کسا طنز، لکھا، آئے تو مودی ہی

بھوجپوری سپر اسٹار نروہوا (دنیش لال یادو) نے لوک سبھا انتخابات کے دوران سیاست میں ڈبیو کیا تھا،وہ بی جے پی کے ٹکٹ پر یوپی کی ہائی پروفائل سیٹ اعظم گڑھ سے انتخابی میدان میں اترے تھے لیکن اترپردیش کے سابق وزیر اعلی اکھلیش یادو کے سامنے نروہا ٹک نہیں پائے۔