مالیگاؤں 2008 بم دھماکہ معاملہ: دفاعی وکیل نے جعلی میڈیکل رپورٹ مرتب کرنے کا الزام عائد کیا،سماعت پیرتک ملتوی

Source: S.O. News Service | By Jafar Sadique Nooruddin | Published on 8th December 2018, 3:07 AM | ملکی خبریں |

ممبئی:7/دسمبر (ایس او نیوز/آئی این ایس انڈیا)مالیگاؤں 2008 بم دھماکہ معاملے میں بھگواء ملزمین کے وکلاء کا بم دھماکوں میں زخمی ہونے والوں کا علاج کرکے میڈیکل رپورٹ مرتب کرنے والے ڈاکٹروں پربے بنیاد الزام عائد کرناآج بھی جاری رہا ۔ خصوصی این آئی اے عدالت میں آج گواہی کے لیئے مالیگاؤں کے مشہور ہڈیوں کے ڈاکٹر مہیش تیل راندھے کی گواہی عمل میں آئی جس کے دوران انہوں نے خصوصی این آئی اے جج ونود پڈالکر کو بتایا کہ اس نے بم دھماکوں میں زخمی ہونے والے آٹھ افراد کا علاج کیا تھا اور اس کے بعد ان کی ہدایت پر ان کے اسٹنٹ نے میڈیکل رپورٹ مرتب کی تھی ۔وکیل استغاثہ اویناس رسال کے گواہ سے سوال و جواب کے بعد ملزم سوامی دھر دویدی کے وکیل سابڑے نے ڈاکٹر تیل راندھے پر الزام عائد کیا کہ آج وہ این آئی اے کے دباؤ میں جھوٹی گواہی دے رہے ہیں نیز انہوں حکومت سے معاوضہ حاصل کرنے کے لئے جعلی میڈیکل رپورٹ مرتب کی تھی۔وکیل دفاع کے اس الزام کا ڈاکٹر مہیش تیل راندھے نے نفی میں جواب دیتے ہوئے کہا کہ انہوں نے ناصرف ان کے اسپتال میں آٹھ زخمیوں کا علاج کیا تھا بلکہ ڈاکٹر فارانی کے اسپتال میں وہ مسلسل دو دن تک مریضوں کاعلاج کرتے رہے۔آج پانچوے سرکاری گواہ کی گواہی کا اختتام ہوا جس کے بعد عدالت نے پیر تک اپنی سماعت ملتوی کرتے ہوئے استغاثہ کو حکم دیا کہ وہ دیگر سرکاری گواہوں کو عدالت میں پیش کرے۔دوران سماعت عدالت میں متاثرین کی نمائندگی کرنے والی تنظیم جمعیۃ علماء مہاراشٹر (ارشد مدنی)کی جانب سے وکلاء شریف شیخ، انصار تنبولی، شاہد ندیم، ابھیشک پانڈے و دیگر موجودتھے۔

ایک نظر اس پر بھی

دہلی میں جماعت اسلامی ہند کا یک روزہ ورکشاپ۔ امیر جماعت نے کہا؛ ہر زمانے میں سخت اور چیلنجنگ حالات میں ہی دعوت دین کا کام انجام دیا گیا ہے

 جماعت اسلامی ہند حلقہ دہلی کا یک روزہ ورکشاپ برائے ذمہ دران حلقہ،انڈین انسٹی ٹیوٹ آف اسلامی اسٹڈیز ابو الفضل انکلیو، اوکھلا میں منعقد ہوا۔ ورکشاپ میں نئی میقات 2019تا2023کی پالیسی پروگرام کی تفہیم کرائی گئی۔ صبح 10  بجے  سے شام تک چلے اس ورکشاپ میں جماعت اسلامی ہند دہلی کے ...

ایک قوم‘ایک زبان معاملہ: سیاسی قائدین کی جانب سے شدید رد عمل کا اظہار

اداکار سے سیاست داں بنے جنوبی ہند چینائی کے کمل ہاسن نے ایک قوم ایک زبان کے معاملہ میں بی جے پی قومی صدر امیت شاہ پر سخت تنقید کرتے ہوئے کہا کہ ہندوستان 1950ء میں کثرت وحدت کے وعدے کے ساتھ جمہوریہ بناتھا اور اب کوئی شاہ یا سلطان اس سے انکار نہیں کرسکتا ہے۔

بی جے پی حکومت کی اُلٹی گنتی شروع: کماری شیلجہ

ہریانہ کانگریس کی ریاستی صدر اور رکن پارلیمنٹ کماری شیلجہ نے آج دعوی کیا کہ ریاست کی بھارتیہ جنتا پارٹی (بی جےپی) حکومت کی الٹی گنتی شروع ہوگئی ہے کیونکہ عوام اس حکومت کی بدنظمی سے تنگ آچکے ہیں۔

جموں و کشمیر کے سابق سی ایم فاروق عبداللہ کو پی ایس اے کے تحت حراست میں لیا گیا

جموں و کشمیر کے سابق وزیر اعلیٰ فاروق عبداللہ کی حراست لیا گیا ہے۔ان کے حراست کو لے کر سپریم کورٹ میں داخل عرضی پر سماعت کے دوران عدالت نے مرکزی حکومت کو ایک ہفتے کا نوٹس دے کر جواب دینے کے لئے کہا گیا ہے۔