انڈوبار نکوبار12اگست(ایس او نیوز؍آئی این ایس انڈیا) مالدیپ نے ہندوستان سے اپنی زمین پرتعینات فوجی ہیلی کاپٹر اورجوانوں کو واپس بلانے کو کہا ہے۔ مالدیپ کے سفیر نے کہا کہ دونوں ملکوں کے درمیان جو میں معاہدہ ختم ہوگیا ہے۔ حال کے دنوں میں دونوں ملکوں کے درمیان رشتوں میں تلخی دیکھنے کو ملی ہے۔

مالدیپ میں چین کی مداخلت میں اضافہ ہوا ہے اورعبداللہ یامین کی حکومت پوری طرح سے چینی سرپرستی میں ہے۔ یہاں پر چین نے کافی پیسہ لگایا ہے۔ وہ سڑکوں، پلوں اور ہوائی اڈے بنانے پر تیزی سے کام کررہا ہے۔

واضح رہے کہ کئی دہائیوں سے ہندوستان اور مالدیپ کے درمیان قریبی تعلقات رہے ہیں۔ ہندوستان نے دریائے ہند میں بسے اس چھوٹے سے ملک کی فوجی اور اقتصادی طور پر کافی مدد کی ہے۔ مالدیپ کے ہندوستان میں سفیر احمد محمد نے رائٹرس سے کہا کہ ہندوستان نے جو دو ہیلی کاپٹر دیئے تھے، وہ میڈیکل ایمرجنسی میں کام آرہے تھے، لیکن اب مالدیپ نے مناسب انتظامات کرلئے ہیں، ایسے میں ان کی کوئی ضرورت نہیں رہ گئی ہے۔

انہوں نے کہا کہ وہ پہلے کافی بہتر تھے، لیکن ضروری انفسراسٹرکچر، سہولیات اور دیگر ضرورتوں کے سبب اب ہم میڈیکل ایمرجنسی کا سامنا کرنے کے حامل ہیں۔ ہیلی کاپٹر کے علاوہ ہندوستان نے 50 جوان بھی مالدیپ میں تعینات کررکھے ہیں، ان میں پائلٹ اور مینٹیننس کرو بھی شامل ہیں اور ان کا ویزا پورا ہوچکا ہے۔