لاپتہ پرواز کی تلاش کی نئی کوشش، ملائیشیائی حکومت کا منصوبہ منظور

Source: S.O. News Service | By Shahid Mukhtesar | Published on 7th January 2018, 12:19 PM | عالمی خبریں |

جکارتہ 6جنوری ( ایس او نیوز؍آئی این ایس انڈیا )ملائیشیا کی حکومت نے اْس پلان کی منظوری دے دی ہے، جس کے تحت ساڑھے تین برس قبل لاپتہ ہو جانے والی پرواز کی تلاش کا نیا سلسلہ شروع کیا جائے گا۔ ملائیشیا، چین اور آسٹریلیا کی حکومتوں نے ایک ہزار دنوں تک لاپتہ بوئنگ ٹرپل سیون کی تلاش جاری رکھنے کے بعد سترہ جنوری سن 2017 کو یہ سلسلہ ختم کر دیا تھا۔ ملیشیئن ایئرلائنز کی لاپتہ پرواز MH 370 پر عملے کے اراکین سمیت 239 افراد سوار تھے۔ یہ پرواز کوالالم پور سے چینی دارالحکومت بیجنگ جا رہی تھی کہ بحر ہند کے اوپر پرواز کے دوران لاپتہ ہو گئی تھی۔ لاپتہ ہوائی جہاز کی دوبارہ تلاش کا کام امریکا میں قائم ایک کمپنی اوشین انفینیٹی کرے گی۔

ایک نظر اس پر بھی