طلباء کیلئے تعلیم کے ساتھ سماجی خدمات لازمی کرنے نائیڈو کا مشورہ

Source: S.O. News Service | By Shahid Mukhtesar | Published on 10th October 2018, 12:38 PM | ریاستی خبریں |

بنگلورو10؍اکتوبر(ایس او نیوز) نائب صدرہند ایم ونکیا نائیڈو نے آج یہ مشورہ دیا ہے کہ تعلیمی اداروں میں طلباء کیلئے یہ لازمی کیا جانا چاہئے کہ وہ اپنی تعلیم کے ساتھ سماجی خدمات یا فوج میں خدمات یارضا کارانہ ادارے جیسے این ایس ایس ،اسکاؤٹس اینڈ گائیڈس میں بھی حصہ لیں ۔ انہوں نے بتایا کہ طلباء کے سماجی خدمات یا ایسی خدمات میں حصہ لینے سے ان میں قومی ایکتا اور سماجی خدمات کے احساسات پیدا ہوں گے ۔ تعلیمی اداروں کو نائب صدر ہند نے یہ بھی مشورہ دیا کہ وہ اپنے اسکولوں میں اخلاقی سائنس پر مبنی کلاسوں کااہتمام کریں۔ سابق لیجس لیٹر اور اسکاؤٹس اینڈ گائیڈس کے سابق کمشنر وی پی دین دیال نائیڈو کی صد سالہ سالگرہ تقریب میں وداعی خطاب کرتے ہوئے کہا کہ طلباء بصیرت افروز رہنماؤں سے ترغیب حاصل کریں۔ انہوں نے بتایا کہ دین دیال نائیڈو ایک مجاہد آزادی بنگلور کے سابق مےئر ، ایک لیجس لیٹر تھے جو بعد میں بھارت اسکاؤٹس اورگائیڈس کے قومی کمشنر بنے ۔1992تا1995اس عہدہ پرفائز رہے ۔انہوں نے بتایا کہ آپ ایک ڈسپلن سماج چاہتے ہیں تو سماجی میں سماجی خدمات کی بیداری ضروری ہے ۔

انہوں نے بتایا کہ ہمیں ذات پات ، مذہب سے اوپر اٹھ کر سوچنے کی ضرورت ہے۔ نائیڈو نے بتایا کہ اسکاؤٹس اورگائیڈس میں جو اقدار سکھائی جاتی ہیں وہ ایک اچھی قیادت کو پیدا کرنے کیلئے ضروری ہیں۔انہوں نے مزید کہا کہ ہمیں صورتحال کو سنجیدگی سے سمجھنا چاہئے اگر قائدین میں اخلاق نہ ہوں اور وہ ڈسپلین پر عمل نہ کریں تو ان سے خدمات کیسے حاصل کی جاسکتی ہیں؟ تعلیمی اداروں کے سربراہوں اور ذمہ داروں کو مخاطب کرتے ہوئے نائیڈو نے کہا کہ آج آپ کو اپنے اسکولوں میں چند اصول وضوابط پر عمل کرنے کی ضرورت ہے ۔ دین دیال نائیڈو کی حیات و خدمات سے ہمیں یہی سبق ملتا ہے۔ موجودہ دور کے قائدین کاحوالہ دیتے ہوئے نائیڈو نے کہاکہ سب سے زیادہ مجرمانہ پس منظر رکھنے والے ملک کے ایوانوں میں داخل ہورہے ہیں۔ حال ہی میں سپریم کورٹ نے بھی اس پر تشویش ظاہر کی ہے۔اس تقریب میں کرناٹک کے گورنر واجو بھائی والا ریاستی وزراء یوٹی قادر ،بنڈپا کاشمپور ، رکن پارلیمان پی سی موہن اور بھارت اسکاؤٹس اینڈ گائیڈس کے قومی کمشنر کے کے کھند لوال نے بھی شرکت کی۔

ایک نظر اس پر بھی

’ پاکستان زندہ باد‘کے نعرے لگانے پرہاویری میں ایک شخص کو عوام نے پیٹا۔ بیلگاوی میں ٹیچرکا گھر نذرآتش۔ رائچور میں ہنگامہ

کشمیر کے پلوامہ میں دہشت گردانہ حملے میں ہلاک ہونے والے فوجیوں کو خراج عقیدت اور ان کے اہل خانہ کے ساتھ اظہار ہمدردی کے لئے دیوگیری کے عوام نے ایک مشعل بردار جلوس نکالاتھا

رائے دہندگان کی سہولت کیلئے انتخابی کمیشن سے الیکشن ایپ جاری منصفانہ انتخابات کو یقینی بنانے کیلئے تربیت یافتہ خصوصی ٹیمیں تشکیل:منجوناتھ

بنگلورو شہری ضلع کے انتخابی افسر و بروہت بنگلور مہا نگر پالیکے ( بی بی ایم پی) کمشنر منجوناتھ پرساد نے بتایا کہ آنے والے لوک سبھا انتخابات کے دوران ووٹروں کی سہولت کیلئے انتخابی کمیشن نے ’’الیکشن ایپ‘‘ جاری کیا ہے ۔

کانگریس سے کبھی علاحدگی اختیار نہیں کریں گے۔رمیش وناگیندرا

تقریباً 2؍ ماہ تک پارٹی لیڈروں سے رابطہ قائم کئے بغیر دور رہے کانگریس کے برگشتہ اراکین اسمبلی رمیش جارکی ہولی اور بی ۔ناگیندرا واپس آچکے ہیں۔انہوں نے کانگریس لیجسلیٹرز پارٹی لیڈر وریاستی مخلوط حکومت کی کو آرڈنیشن کمیٹی کے چیرمین سدارامیا سے ملاقات کرتے ہوئے پارٹی میں ہی ...