مہاراشٹر : ملزم نے پولیس ٹیم پرکیا حملہ،اے ایس آئی کی موت
ممبئی،27نومبر(ایس او نیوز؍آئی این ایس انڈیا)مہاراشٹر کے یوت مال ضلع میں ایک معاملے میں مطلوبہ ملزم نے اسے پکڑنے گئی پولیس ٹیم پر حملہ کر دیا، جس میں ایک اسسٹنٹ پولیس سب انسپکٹر (اے ایس آئی)کی موت ہو گئی جبکہ دو دیگر پولیس اہلکار زخمی ہو گئے۔ایک سینئر پولیس اہلکار نے بتایا کہ یہ واقعہ پیر کے روز ضلع کے ہواری گاؤں میں واقع ہوا۔انہوں نے بتایا کہ اے ایس آئی راجو کرماتے( (50پولیس اہلکار مدھوکر مکے ((52اور پرمود پھکارے( (25کے ساتھ ولاس میشرام کو پکڑنے کے لئے گئے تھے،وہ خطرناک ہتھیاروں سے چوٹ پہنچانے کے پرانے کیس میں مطلوب ہے۔انہوں نے بتایا کہ میشرام( (35کیس کی سماعت میں شامل نہیں ہو رہا تھا اور ایک مقامی عدالت نے اس کے خلاف وارنٹ جاری کیا تھا۔انہوں نے بتایا کہ معلومات موصول ہوئی ہے کہ ملزم ہریاری میں اپنے گھر میں ہے،اس کے بعد کمارتے پانچ رکنی پولیس ٹیم کے ساتھ صبح پکڑنے پہنچے۔عہدیدار نے کہا کہ میشرم نے پولیس ٹیم کے ساتھ جانے سے انکار کر دیا اوران پر بھاری لکڑی سے حملہ کردیا۔انہوں نے کہا کہ اس حملے میں کرماتے کے سر پر شدید چوٹ آئی اور انہیں قریبی مورے گاؤں کے ایک دیہی ہسپتال لے جایا گیا جہاں انہیں مردہ قرار دے دیا گیا۔آفیسر نے بتایا کہ اس حملے میں دو دیگر پولیس اہلکار زخمی ہوئے ہیں۔انہوں نے کہا کہ میشرم اس جگہ سے بھاگ گیا اور اسے پکڑنے کی کوشش کی جارہی ہے،اس کے خلاف قتل کا مقدمہ درج کیا گیا ہے۔