دبئی کے مدرسہ عمر بن الخطاب کے سالانہ پروگرام میں طلباء کا شاندار مظاہرہ

Source: S.O. News Service | By I.G. Bhatkali | Published on 26th April 2017, 3:49 AM | خلیجی خبریں | ان خبروں کو پڑھنا مت بھولئے |

دبئی 26 اپریل( ایس او نیوز/ جیلانی محتشم) مدرسہ عمر بن الخطاب تحفیظ القران جو حکومت دبئی کے اوقاف کے زیر نگرانی ایک عرصے سے دبئی میں چل رہا ہے اس کا سالانہ پروگرام بروز جمعہ مسجد بن نایم میں بعد نماز عصر محمد دانش محمد عاصم قاضیا کی تلاوت قران سے شروع ہوا ۔ مدرسہ کے کنوینر مولوی مولاکرانی نے تعارف اور استقبالیہ پیش کیا اور پروگرام کی غرض و غایت بیان کی انہوں نے کہا کہ اس مدرسہ میں جملہ آٹھ ملکوں کے طلباء زیر تعلیم ہے ۔ اس کے بعد مدرسہ کے طالب علموں کے درمیان ایک پارہ حفظ ‘ دو پارہ حفظ اور مدرسہ کی تاریخ میں پہلی مرتبہ پانچ پارہ حفظ کے مسابقے ہوئے ۔ جس میں طالب علموں نے اچھا مظاہرہ پیش کیا ۔ مدرسہ کے روزانہ کی کارکردگی پر ایک مکالمہ جس میں استاد کی مدرسہ میں سختی سے طالب علموں کی نگرانی اور ان کی ہمت آفزائی کو خوب سراہا گیا ۔ اس کے بعد کوئز مقابلہ بھی ہوا جو روزانہ کے دعائیات اور اسلامی تاریخ پر مشتمل تھا ۔

 مدرسہ کے ذمہ دار مولوی عبدالمتین منیری نے مدرسے کی تاریخ کے پس منظرمیں چند باتیں بتائیں اور مدرسہ کے لئے کاوشیں کرنے والوں کی سراہنا کی ۔ مدرسہ کے مدیر عبدالباری محتشم نے بھی تمام کمیٹی خصوصا استاد اور محترم منیری صاحب کی تعریف کی اور کہا کہ ان کی بدولت یہ مدرسہ الحمد اللہ ا بھی تک چل رہا ہے مزید تمام والدین سے درخواست کی کہ وہ اپنے بچوں کو اس میں داخلہ کریں۔

خصوصی مہمان کے طور پر بھٹکل سے تشریف فرما مولانا یونس برماور نے مختصر لیکن جامع انداز میں سامعین اور طالب علموں سے خطاب کیا ‘ موصوف نے مدرسہ کی جملہ کارکردگی کی خوب تعریف کی اور کہا کہ یہاں قرآن کے ساتھ ساتھ روز مرہ کی دعائیں اور دوسری ضروری چیزیں پڑھائی جاتی ہیں اور حاضرین میں موجود تمام لوگوں سے درخواست کی کہ وہ اپنے بچوں کو اس مدرسہ میں داخل کرائیں۔انہوں نے کہا کہ بچوں کو انجننئر اور ‘ ڈاکٹر بنانے سے پہلے حافظ قران بنائیں ۔ حافظ قران بنانے سے قوت حافظہ میں اضافہ ہوتا ہے ۔ عمر گذرنے کے بعد زبان سے صحیح لفظ نکلنا مشکل ہوجاتا ہے اسکے لئے ضروری ہے کہ بچوں کو قرآن کی تعلیمات اولین فرصت میں دے ۔

جناب محمد اشفاق سعدا صاحب نے بھی اپنے مختصر خطاب میں اس پروگرام میں زیادہ طالب العلموں کی شرکت پر اطمینان اور خوشی کا اظہار کیا اور مدرسے کے ذمہ داران اور والدین کا شکریہ ادا کیا ۔ نائب کنوینر مولوی مصدق ہلارے نے مسابقہ کے نتائج کا اعلان کیا اور کلمہ تشکر پیش کیا ۔ پروگرام کی نظامت استاد مولوی عبدالحئی ائیکری نے کی ۔ اول دوم اور سوم آنے والے طالب علموں کو سند اور رقم انعام کے طور پر پیش کی گئی۔ کثیر تعداد میں لوگوں نے پروگرام میں شرکت کی اور تواضع کے ساتھ جلسہ برخواست ہوا ۔

ایک نظر اس پر بھی

مسجد الحرام میں غیر ملکی شخص کی خودکشی

سعودی عرب کے شہر مکہ میں اسلام کے مقدس ترین مقام مسجد الحرام میں ایک شخص نے خود کشی کر لی ہے۔سعودی عرب کی سرکاری خبر رساں ایجنسی ایس پی اے نے مکہ پولیس کے ترجمان کے حوالے سے بتایا ہے کہ غیر ملکی شہری نے جمعہ کی رات نو بج کر 20 منٹ پر مسجد الحرام کی چھت سے نیچے طواف کرنے کی جگہ پر ...

مسجد نبوی میں سکیورٹی اہلکاروں کی خدمات پر ایک نظر

مسجد نبوی میں آنے والے زائرین کی نظروں میں سعودی سکیورٹی اہل کار نمایاں ترین حیثیت کے حامل نظر آتے ہیں۔ یہ اہل کار مسجد کے تمام حصوں اور راستوں میں خدمات انجام دیتے ہوئے عبادت کے لئے پْرسکون ماحول یقینی بنانے میں مصروف عمل ہوتے ہیں۔

مکہ المکرمہ :ماہ رمضان کے آخری عشرہ میں سکیورٹی انتظامات 70؍لاکھ فرزندان توحید نے عمرہ اداکیا

سعودی حکومت نے رمضان المبارک کے تیسرے عشرہ کے آغاز پر مکہ المکرمہ کے داخلی اور خارجی راستوں پر سخت حفاظتی اقدامات کیے ہیں، مسجد الحرام اور اطراف کے علاقوں میں فضائی سکیورٹی اور نگرانی بڑھا دی گئی ہے۔

جاپان میں.1 6 شدت کا زلزلہ، تین افراد ہلاک

اوساکا اور اس کے گرد و نواح کا شمار جاپان کے اہم ترین صنعتی مراکز میں ہوتا ہے اور زلزلے کے بعد علاقے میں واقع بیشتر کارخانوں میں کام بند کردیا گیا ہے۔جاپان کے دوسرے بڑے شہر اوساکا میں آنے والے 6.1شدت کے زلزلے سے اب تک تین افراد کے ہلاک ہونے کی تصدیق ہوگئی ہے۔

بھٹکل کے ایک پٹرول پمپ میں پٹرول کی جگہ پانی بھرنے کی واردات کے بعد ایک گرفتار

کار کی ٹنکی میں پٹرول کے بجائے پانی  بھرنے  کے الزام میں پولس نے  پیر کو ایک شخص کو گرفتار کرلیا ہے جس کی شناخت  فہمان (35) کی حیثیت سے کی گئی ہے۔ پولس نے ملزم کو گرفتار کرنے کے بعد عدالت میں پیش کیا ہے جہاں سے اُسے  جوڈیشیل کسٹڈی میں  کاروار جیل بھیج دیا گیا ہے۔

اتر پردیش میں گئو کشی کی افواہ پر مسلم نوجوان کا پیٹ پیٹ کر قتل

ملک میں گئو کشی روکنے کے نام پر غنڈہ گردی تھمنے کا نام نہیں لے رہی ہے۔ تازہ معاملہ اتر پردیش میں پلکھوا کے بچھیڑا خرد سے سامنے آیا ہے جہاں گوکشی کی افواہ پر کچھ شرپسندوں نے قاسم نامی نوجوان کو بری طرح مارا پیٹا اور قتل کر دیا۔

بھٹکل: مرڈیشور سمندر میں ڈوبنے والے ایک سیاح کو لائف گارڈ نے دی نئی زندگی

تعلقہ کے سیاحتی مقام مرڈیشور میں آج بنگلور کے ایک سیاح کو لائف گارڈ نے   ڈوبنے سے بچالیا اور ایک نئی زندگی عطا کی جس کی شناخت  یوراج (36) کی حیثیت سے کی گئی ہے۔ وہ بنگلور کے سری رام پورا کا رہنے والا ہے۔