ایکشن موڈ میں کملناتھ حکومت، مدھیہ پردیش اسمبلی میں ہنگامہ کرنا ممبران اسمبلی کو پڑے گا بھاری
نئی دہلی،6؍ جنوری (ایس او نیوز؍آئی این ایس انڈیا) مدھیہ پردیش میں اقتدار کی تبدیلی کے بعد اسمبلی میں اراکین اسمبلی کے ہنگامے پر لگام لگانے کی کوشش سیشن شروع ہونے سے پہلے تیز ہو گئی ہے۔
کانگریس نے اسمبلی میں ہونے والے ہنگامے کو روکنے کے لئے اراکین اسمبلی کی تنخواہ۔بھتہ کاٹنے کا تہیہ کرلیا ہے۔ پارلیمانی ڈاکٹر گووند سنگھ نے کہا ہے کہ اسمبلی بحث اور رضامندی سے چلے گی نہ کہ ہنگامے سے۔ہنگامے کے لئے سڑک ہے۔لہٰذا اسمبلی میں ہنگامہ نہ ہو اس کے لئے ہنگامہ کرنے والے ممبران اسمبلی کے تنخواہ مراعات کو کاٹا جائے گا، اس کے لئے تجویز لائی جارہی ہے۔
وہیں سابق اسمبلی اسپیکر ڈاکٹر سیتاشرن شرما کا کہنا ہے کہ سابق اسمبلی میں بھی ہنگامہ روکنے کے لئے تجویز لایا جانے والا تھا۔ایوان ہمیشہ باہمی رضامندی سے چلتے ہیں، حکومت کے رتبے سے نہیں۔جو بھی بندوبست کریں گے وہ رضامندی کی بنیاد پر ہو گی، حکومت صوابدیدی کرے گی تو اپوزیشن اس کی مخالفت کرے گا۔انتخابات سے پہلے کانگریس نے ایوان میں ہنگامہ روکنے کا بھروسہ دلایا تھا۔اسی کے تحت ہنگامہ روکنے کے لئے یہ اصول وقانون بنایا جا رہا ہے۔