نئی دہلی،12اگست(ایس او نیوز/آئی این ایس انڈیا)ملک کی عدلیہ ان دنوں چرچے میں ہے۔ اب جہاں کچھ دنوں پہلے کلکتہ ہائی کورٹ کے ریٹائر جسٹس کرن کا معاملہ سرخیوں میں تھا، اب وہیں مدھیہ پردیش کے ایک ایڈیشنل ڈسٹرکٹ جج آر کے شرینواس کا معاملہ سرخیوں میں ہے۔ عدلیہ کے بعض قوانین کی مخالفت کرتے ہوئے کچھ جج مسلسل بحث میں بنے ہوئے ہیں۔مدھیہ پردیش ہائی کورٹ نے ایڈیشنل ڈسٹرکٹ جج شری نواس کو ڈسپلن شکنی کے لیے معطلی آرڈرتھمادیاہے۔ اس کی مخالفت میں شرینوواس نے فیصلہ کیاہے کہ اب وہ ایک سائیکل یاترا نکالیں گے۔آپ کو بتا دیں کہ گزشتہ 15 مہینوں میں چار بار ٹرانسفر ہونے کی مخالفت میں شری نواس گزشتہ ہفتے ہائی کورٹ کے باہر دھرنے پر بیٹھے تھے۔ دھرنے پر بیٹھنے سے پہلے ہی شرینواس کو نیمچ ضلع میں ٹرانسفر کر دیا گیا تھا۔ پہلے توانہوں نے اس تبادلے کی مخالفت کی لیکن بعد میں پوسٹ جوائن کر لی۔ اس کے کچھ ہی گھنٹوں کے اندر اندر ہائی کورٹ نے ڈسپلن شکنی کے لیے انہیں معطلی آرڈر تھما دیا تھا۔ ان کی یہ سائیکل یاترا ان کی آخری پوسٹنگ کی جگہ نیمچ سے شروع ہوکر جبل پور تک ہوگی، جہاں پر مدھیہ پردیش ہائی کورٹ واقع ہے۔