مدھیہ پردیش انتخابات:کانگریس کا انتخابی منشور جاری،کسانوں کاقرض معاف کرنے اور 10ہزار روپئے بے روزگاری بھتہ اورموبائل دینے کا وعدہ

Source: S.O. News Service | By Jafar Sadique Nooruddin | Published on 10th November 2018, 10:33 PM | ملکی خبریں |

بھوپال:10/نومبر(ایس او نیوز/آئی این ایس انڈیا)کانگریس آج نے مدھیہ پردیش اسمبلی کے انتخابات کے لیے انتخابی منشور جاری کیا۔پارٹی نے دعوی کیا ہے کہ اقتدار میں آنے کے بعد کسانوں کا قرض معاف کیاجائے گا اور کسانوں کے لیے بجلی کی قیمت آدھی کی جائے گی۔اس کے علاوہ کانگریس نے بے روزگار ی الاؤنس اور نوجوانوں کو موبائل دینے کا وعدہ کیا ہے ۔مدھیہ پردیش کانگریس کے صدر کمل ناتھ نے بھوپال میں کہا کہ یہ کانگریس کا انتخابی منشور نہیں عہد ہے،یہ دفتر میں نہیں سڑکوں پر بناہے۔اس میں خواتین، نوجوانوں، کسانوں اور کاروباری افراد کا خیال رکھاگیا ہے۔منشور کو جاری کرتے ہوئے کانگریس نے پارٹی کی یکجہتی ظاہر کرنے کی بھی پوری کوشش کی۔اس موقع پر کمل ناتھ کے علاوہ جیوتی رادتیہ سندھیا، دگ وجے سنگھ اور ارون یادو جیسے سینئر لیڈر موجود تھے،دگ وجے سنگھ اب تک مدھیہ پردیش کی انتخابی مہم میں فعال نہیں رہے ہیں،پارٹی کے پروگراموں میں کم ہی نظرآتے ہیں،اس کا بنیادی سبب جیوتی رادتیہ سندھیا سے اقتدار کی لڑائی بتائی جارہی ہے۔کمل ناتھ نے بی جے پی کے انتخابی منشور کوجملہ منشور قرار دیا۔انہوں نے کہا کہ عوام کو 15سالوں سے دھوکہ دینے کا جملہ ہے۔

ایک نظر اس پر بھی

کاروار بوٹ حادثہ: زندہ بچنے والوں نے کیا حیرت انگیز انکشاف قریب سے گذرنے والی بوٹوں سے لوگ فوٹوز کھینچتے رہے، مدد نہیں کی؛ حادثے کی وجوہات پر ایک نظر

کاروار ساحل سمندر میں پانچ کیلو میٹر کی دوری پر واقع جزیرہ کورم گڑھ پر سالانہ ہندو مذہبی تہوار منانے کے لئے زائرین کو لے جانے والی ایک کشتی ڈوبنے کا جو حادثہ پیش آیا ہے اس کے تعلق سے کچھ حقائق اور کچھ متضاد باتیں سامنے آرہی ہیں۔ سب سے چونکا دینے والی بات یہ ہے کہ کشتی جب  اُلٹ ...

ای وی ایم تنازعہ: کپل سبل نے کہا 'ذاتی حیثیت سے گیا تھا لندن، کانگریس کا کوئی لینا دینا نہیں'۔

  کانگریس کے سینئر لیڈر کپل سبل نے بھارتیہ جنتاپارٹی (بی جے پی)کےلیڈر اوروزیرقانون روی شنکر پرساد کےان الزامات کو منگل کو پوری طرح سے بے بنیاد بتاکہ لندن میں الیکٹرانک ووٹنگ مشین (ای وی ایم )سے متعلق پریس کانفرنس کا اہتمام کانگریس نے کیاتھا اورواضح کیاکہ وہ اس میں ذاتی حیثیت ...

مدارس کو اگربند نہیں کیا گیا توآئی ایس آئی ایس حامی ہوجائیں گے مسلم بچے، وسیم رضوی نے وزیراعظم کو خط لکھ کرکیا مطالبہ

اپنے متنازعہ بیانات  کے سبب اکثرسرخیوں میں رہنے والے اترپردیش شیعہ وقف بورڈ کے چیئرمین وسیم رضوی نے وزیراعظم نریندرمودی کوخط لکھ کربنیادی سطح تک کے سبھی مدارس کوبند کرنے کا مشورہ دیا ہے۔

اپنے کسی بھی ممبر اسمبلی کو لوک سبھا انتخابات میں نہیں اتارے گی عام آدمی پارٹی

عام آدمی پارٹی آئندہ لوک سبھا انتخابات میں اپنے موجودہ  ممبراسمبلی اور وزرا کو ٹکٹ نہیں دے گی۔ عآپ کے سینئر لیڈر گوپال رائے نے منگل کو یہ جانکاری دی ہے۔ عام آدمی پارٹی کی دہلی یونٹ کے صدر رائے نے ساتھ ہی کہا کہ انتخابات کی اطلاع جاری ہونے سے کافی پہلےہی دہلی م پنجاب اور ہریانہ ...

الیکٹرانک ووٹنگ مشینوں پر چندرابابوکوشبہات

الکٹرانک ووٹنگ مشینوں (ای وی ایمس)کے استعمال پر تشویش کا اظہار کرتے ہوئے اے پی کے وزیراعلی و تلگودیشم پارٹی کے قومی صدر این چندرابابونائیڈو نے کہا کہ ان مشینوں میں الٹ پھیر کے کئی ثبوت پائے گئے ہیں