بھوپال،20؍جنوری (ایس او نیوز؍آئی این ایس انڈیا)ملک کی کچھ ریاستوں کو بی جے پی کا گڑھ کہا جانے لگا ہے۔اس میں گجرات کے بعد مدھیہ پردیش کا نام آتا ہے۔یہاں پرگزشتہ تین مرتبہ بی جے پی اقتدار میں آتی رہی ہے اوراس کے سی ایم رہے ہیں شیوراج سنگھ چوہان۔لیکن اس بار کے آئندہ اسمبلی انتخابات میں بی جے پی کی راہ ہموار نہیں نظر آتی ہے۔ایسا سیاسی حلقوں میں کہا جا رہا ہے۔اس اسمبلی انتخابات سے پہلے مدھیہ پردیش کے گنا ضلع راگھوگڑھ میونسپلٹی میں ہوئے انتخابات میں 24میں سے 20وارڈوں میں کانگریس نے کامیابی حاصل کی ہے۔یہاں پر بی جے پی کو صرف چار وارڈوں میں جیت سے اکتفا کرنا پڑا ہے۔قابل ذکر ہے کہ خود وزیر اعلی شیوراج سنگھ چوہان یہاں پر ہوئے بلدیاتی انتخابات کیلئے تشہیر کرنے آئے ویسے یہاں پر گزشتہ دو دہائیوں سے کانگریس کا قبضہ رہا ہے۔کانگریس کے سینئر لیڈر اور پارٹی جنرل سکریٹری دگ وجے سنگھ کا یہ علاقہ ہے۔صبح 9 بجے سے بلدیاتی اور تین مرحلے پنچایت اداروں کے لئے ہوئے انتخابات کی ووٹوں کی گنتی جاری ہے۔باڈی انتخابات الیکٹرانک ووٹنگ مشین سے ہوئے ہیں۔ابھی تک کی معلومات کے مطابق میونسپل میں صدر کے عہدے پرہوئے انتخابات کے نتائج میں بی جے پی 6 اور کانگریس نے 2اور آزاد امیدوار نے ایک سیٹ پر بازی ماری ہے۔اس کے علاوہ بی جے پی کے 67اور کانگریس کے 54 اور 8آزاد امیدوار جیت سکے ہیں۔