مدھیہ پردیش: کنویں میں ملے پانچ معصوم بھائیوں کی لاشیں، والدین فرار

Source: S.O. News Service | By Shahid Mukhtesar | Published on 10th October 2018, 9:43 PM | ملکی خبریں | ان خبروں کو پڑھنا مت بھولئے |

بڑوانی ،10؍ اکتوبر (ایس او نیوز؍آئی این ایس انڈیا) مدھیہ پردیش کے بڑوانی ضلع میں ایک چونکانے والا معاملہ سامنے آیا ہے، جہاں پانچ چھوٹے بچوں کی لاش کنویں میں پڑی ملی۔یہ معاملہ بڑوانی ضلع کا ہے جہاں ہیڈکوارٹر سے تقریباً 80 کلو میٹر دور چکھلی گاؤں میں بدھ کی صبح ایک ہی خاندان کے پانچ معصوم بھائیوں کی لاش ایک کنویں میں ملی۔ واقعہ کے بعد سے ہی بچوں کے والدین مفرور ہیں۔بڑوانی ضلع کے اضافی پولیس سپرنٹنڈنٹ اومکار سنگھ کلیش نے بتایاکہ پانچوں بچوں کی لاش بدھ کی صبح سیدھوا دیہی تھانہ علاقے چکھلی گاؤں کے کنویں میں ملی۔تمام بچوں کی عمر تین سال سے سات سال کے درمیان ہے۔ان بچوں کی لاشوں کو سب سے پہلے دیہاتیوں نے دیکھا اور پولیس کو معلومات دی۔بعد میں پولیس نے دیہاتیوں کی مدد سے ان لاشوں کو باہر نکالا۔انہوں نے کہا کہ یہ بچے چکھلی گاؤں کے رہائشی 40سالہ بھرت سنگھ کے ہیں۔اس کی دو بیویاں ہیں۔پہلی بیوی سے چار بیٹے اور دوسری سے ایک بیٹا تھا، جو تمام مشتبہ حالت میں کنویں میں مردہ پائے گئے ہیں۔واقعہ سامنے آنے کے بعد سے ہی بھرت سنگھ اور اس کی دونوں بیویاں فرار ہیں۔پولیس ان کی تلاش کر رہی ہے، لیکن ان کا کوئی پتہ نہیں چل سکا ہے۔افسر نے بتایا کہ پولیس کو دونوں بیویوں کے درمیان گھریلو اختلاف کے چلتے قتل کا خدشہ ہے۔بچے کے والد بھرت سنگھ کی بھی تلاش کی جا رہی ہے۔حالانکہ کلیش نے بتایا کہ واقعہ کی اصل وجہ بھرت سنگھ اور اس کی بیویوں کے سامنے آنے کے بعد ہی پتہ چل پائے گا۔انہوں نے کہا کہ تمام لاشوں کو پوسٹ مارٹم کے لئے بھیج دیا گیا ہے۔

ایک نظر اس پر بھی

مودی ،خواتین کے حامی یا اکبرکے طرفدار؟ جنسی استحصال کے الزام کے خلاف مقدمہ درج کرانے پر کانگریس نے وزیراعظم کو گھیرا

کانگریس نے وزیر مملکت برائے امور خارجہ ایم جے اکبر پر لگنے والے جنسی استحصال کے الزامات کو انتہائی سنگین قرار دیتے ہوئے کہا ہے کہ یہ ملک کی خواتین کے احترام کا معاملہ ہے اور وزیر اعظم نریندر مودی کو اس پر خاموشی توڑکر اپنا رخ واضح کرناچاہیے۔

دہلی این سی آر میں فضائی آلودگی سے نمٹنے کے لئے ہنگامی منصوبہ لاگو

دہلی این سی آر میں فضائی آلودگی سے نمٹنے کے لئے ایک ہنگامی منصوبہ پیر کو لاگو کیا گیا ہے جس میں مشینوں سے سڑکوں کی صفائی اور اس علاقے کے بھیڑ بھاڑ والے علاقوں میں گاڑیوں کے ہموار ٹریفک کے لئے ٹریفک پولیس کی تعیناتی جیسے اقدامات شامل ہوں گے۔

ریاستی وزارت سے مہیش کا استعفیٰ منظور

پانچ ریاستوں کے اسمبلی انتخابات میں کانگریس اور بی ایس پی کے درمیان مفاہمت کی کوشش ناکام ہوجانے کے نتیجے میں ریاستی کابینہ سے استعفیٰ دینے والے بی ایس پی کے وزیر این مہیش کو استعفیٰ واپس لینے کے لئے منانے میں جے ڈی ایس قیادت کی کوشش ناکام ہوجانے کے بعد آج وزیراعلیٰ نے مہیش کا ...

ای اسٹامپ پیپر اب آن لائن دستیاب ہوگا

کسی طرح کے دستاویزات تیار کرنے کے لئے درکار ای اسٹامپ کاغذ کی دستیابی اب تک ایک بہت بڑا مسئلہ ہوا کرتی تھی، 100 روپے کے اسٹامپ پیپر کے لئے بھی بھاری رقم ادا کرکے اسے حاصل کرنا پڑتا تھا،

ساحلی علاقے میں موسلادھار بارش۔ آسمانی بجلیوں سے نقصانات

ساحلی علاقے میں اور خاص کر جنوبی کینرا ضلع میں اتوار کی شام سے رات دیر گئے تک زبردست بارش ہوئی ہے۔ بادلوں کی گھن گرج کے ساتھ بجلیوں کے کڑکنے کا سلسلہ بھی جاری رہا اور بعض مقامات پر بجلی گرنے سے گھروں کونقصان پہنچنے کی اطلاعات بھی ملی ہیں۔

بھٹکل میں زائد منافع کالالچ دے کر 100کروڑ سے زائد رقم کی دھوکہ دہی کا الزام : کمپنی مالکان کے گھروں کا گھیراؤ اور احتجاج

شہر کے آزاد نگر میں واقع فلالیس نامی کمپنی کے مالکان  پر سو کروڑ سے زائد رقم لے کر فرار ہونے کا الزام عائد کرتے ہوئے  سینکڑوں لوگوں نے آج اُن  کے مکانوں  کا گھیراو کیا اور اپنی رقم واپس دینے کا مطالبہ کرتے ہوئے احتجاج کیا۔  احتجاجیوں کا کہنا تھا کہ   فلالیس نامی جعلی کمپنی ...