بھٹکل  :9/ اگست (ایس اؤ نیوز)  شہر میں دودنوں سے جاری ہندو بھائیوں کا  ماری ہبا پرامن طورپر ماری دیوی کو وداع کرتے ہوئے اختتام پذیر ہوا۔

جمعرات کو ہزاروں بھگت مندر پہنچ کر پوجا پاٹ کیا۔ اس موقع پر مندر انتظامیہ کے ممبران موجود رہتے ہوئے نگرانی کی۔ کئی بھگتوں نے اپنی منتوں کو پوراکرنے کے لئے پھولوں کی ٹوپی اور دیگر اشیاء کی فروخت کاری ہوئی ۔ مندر کے اطراف کھلونے ، مٹھائی دیگر باکڑا دکانیں ہبا میں رنگ  بھرا۔ شام 30-04بجے کے قریب ماری دیوی وداعی کی کارروائی شروع ہوئی ۔ ماری کو کاندھوں پر لے کر بھگت جلوس کی شکل میں جالی سمندر کے ساحل تک پہنچے۔ جہاں مذہبی رسوم ادا کرنےکے بعد سمندر میں وداع کیاگیا۔

جلوس  قومی شاہراہ سے ہوتے ہوئے عیدگاہ میدان سے گزر کر بندر روڈ کے ذریعے سمندر کنارے پہنچا۔ راستے کے دونوں کناروں پر بھگتوں نے کھڑے ہوکر نظارہ کیا۔ ساحلِ سمندر انہونی حادثات کو روکنے کے لئے پیشگی طورپر فائر برگیڈ، ساحلی تحفظ دستہ اور مرڈیشور لائف گارڈ عملے کو تعینات کیاگیا تھا۔ ضلع پولس سپرنٹنڈنٹ ونایک پاٹل ، ایڈیشنل ایس پی گوپال بیاکوڈ کی رہنمائی میں ڈی وائی ایس پی ولنٹائن ڈیسوزا ، سی پی آئی گنیش نے سکیورٹی انتظامات کی نگرانی کی ۔