لکھنؤ کے ہرونی میں اچانک پلیٹ فارم تبدیل کرنے کی اطلاع کے بعد مچی بھگدڑ، ایک مسافر کی موت اور دو دیگرزخمی
لکھنؤ ،23؍اپریل (ایس او نیوز؍ آئی این ایس انڈیا ) اسٹیشن ماسٹر کی چھوٹی سی غلطی نے آج لکھنؤ میں بنتھرا کے ہرونی ریلوے اسٹیشن پر کہرام مچا دیا۔اچانک ٹرین کا پلیٹ فارم بدلے جانے کی اطلاع پر وہاں بھگدڑ مچ گئی۔اس دوران ٹرین کے نیچے آنے سے ایک مسافر نے دم توڑ دیا جبکہ دو زخمی ہیں۔ اس کے بعد ہجوم مشتعل ہو گئی۔اسٹیشن پر توڑفوڑ کرنے کے بعد ٹرینوں کی آمد رفت روک دی گئی ہے۔ اسٹیشن ماسٹر موقع سے فرار ہے۔لکھنؤ کے بتھرا علاقے کے ہرونی ریلوے اسٹیشن پر اچانک پلیٹ فارم تبدیل کرنے کی اطلاع کے بعد بھگدڑ مچ گئی۔ اس حادثے میں ایک مسافرکی ٹرین سے کٹ کر موت ہو گئی جبکہ دو افراد زخمی بھی ہیں۔متوفی پردیپ بابو لال( 25)سال آنند نگر سے صبح گھر سے لکھنؤ دوا لینے کے لئے جا رہا تھا۔یہ واقعہ آٹھ بجے کے قریب کا ہے۔اس کے بعد افراتفری کی وجہ سے اناؤ کی جانب سے لکھنؤ آنے والی ٹرینوں کی آمدورفت فی الحال روک دی گئی ہے، جس کی وجہ سے کانپور-لکھنؤ کی لائن متاثر ہوئی ہے۔یہ حادثہ اچانک ٹرین کے پلیٹ فارم تبدیل کرنے کی وجہ سے ہوا۔ہرونی ریلوے اسٹیشن مسافروں کی بھاری بھیڑ تھی اور تبھی اعلان ہوا کہ ٹرین کا پلیٹ فارم اچانک تبدیل کر دیا گیا اور ٹرین پکڑنے کے چکر میں اسٹیشن پر بھگدڑ سی مچ گئی۔ بھگدڑ کے دوران 25 سالہ نوجوان ٹرین کے نیچے آ گیا، جس سے کٹ کر اس کی موت ہوگئی جبکہ بھگدڑ میں کئی مسافر زخمی ہوگئے، جنہیں علاج کے لئے سی ایچ سی میں داخل کرایا گیا ہے۔اس واقعہ سے ناراض مسافروں نے اسٹیشن پر جم کر ہنگامہ کیا ہے جس کے بعد اناؤ کی جانب سے لکھنؤ آنے والی ٹرینوں کو روک دیا گیا ہے۔اس واقعہ کی اطلاع ملتے ہی موقع پر پولیس فورس کوتعینات کر دیا گیا ہے۔حادثے کے بعد ریلوے کے افسر جائے حادثہ پر پہنچ چکے ہیں۔