آئی پی ایل 2018: دباؤ برداشت کے لئے اب تیار ہیں نتیش رانا

Source: S.O. News Service | By Shahid Mukhtesar | Published on 18th April 2018, 11:58 AM | اسپورٹس |

کولکاتہ،17؍اپریل (ایس او نیوز؍ آئی این ایس انڈیا )کولکاتہ نائٹ رائڈرس کے لئے پہلی بار کھیل رہے نوجوان بلے باز نتیش رانا کا خیال ہے کہ دباؤ میں اچھی کارکردگی کرنے میں انہیں مزہ آرہا ہے۔ رانا نے پیر کو انڈین پریمیئر لیگ (آئی پی ایل)کے 11ویں سیزن میں دہلی ڈیر ڈیولس کے خلاف 35 گیندوں پر 59رنز کی تیز طرار اننگز کھیلی۔رانا اور آندرے رسل کے 12 گیندوں پر بنائے گئے 41رنز کی دھماکہ خیز اننگز کی بدولت کولکاتہ نے دہلی کو 71 رنز سے ہرا دیا۔رانا نے کہاکہ جیسا کہ میں نے پچھلی بار بھی کہا تھا کہ مجھے لگتا ہے کہ دباؤ میں میں اچھی کارکردگی کر سکتا ہوں۔یہاں پر بھی دباؤ تھا اور خوش ہوں کہ میں نے دباؤ میں اچھی کارکردگی کی۔ مسلسل دو مقابلے ہارنے کے بعد یہ میچ ہمارے لئے بہت اہم تھا۔انہوں نے کہاکہ اس میچ میں سبھی لوگوں نے اپنا کردار ادا کیا۔کلدیپ نے پنت اور میکسویل کے وکٹ نکالے۔ہمیں لگتا ہے کہ یہ دو وکٹ ہمارے لئے کافی اہم تھے۔مجھے نہیں لگتا ہے کہ میں نے سب سے زیادہ اہم کردار ادا کیا۔سب نے اپنی ذمہ داریوں کوبخوبی ادا کیا۔دہلی کے رہنے والے رانا نے کہا کہ ان کا منصوبہ آخر تک بلے بازی کرنے کا تھا۔وہ اننگز کے 19 ویں اوور میں آؤٹ ہوئے۔

ایک نظر اس پر بھی

فخر زمان ڈبل سنچری بنانے والے پہلے پاکستانی بلے باز بن گئے

زمبابوے کے خلاف چوتھے ون ڈے میچ میں فخر زمان نے 200 رنز کی اننگ کھیل کر شاندار کارنامہ انجام دے دیا ہے اور ڈبل سینچری بنانے والے پاکستان کے پہلے کھلاڑی بن گئے ہیں، تاہم اس کے علاوہ پاکستان نے ون ڈے کرکٹ میں زمبابوے کو 400 رنز کا ہدف دے کر اپنا اب تک کا سب سے بڑا ٹوٹل بھی بنا ڈالا ہے۔

فرانس کے سرپر فیفا ورلڈ کپ کا تاج

ورلڈ کپ 2018ء کا خطاب فرانس نے آج یہاں لیزینگی اسٹیڈیم میں کھیلے گئے مقابلے میں کروشیا کو 4-2گول سے ہراکر جیت لیا۔ فائنل میں سنسنی خیز مقابلے کے بعد فرانس پر ولڈ کپ کا تاج سجا جبکہ تاریخ میں پہلی بار فائنل کھیلنے والی کروشین ٹیم کو شکست ہوئی تاہم گراؤنڈ میں کھیل کے شائقین کی جانب ...

سچن ، سہواگ کو پیچھے چھوڑ دیتا یہ پاکستانی کرکٹر، لیکن اب لگنے والی ہے پابندی

پاکستان کے سابق آل راونڈرعبد الرزاق نے ابھی حال ہی میں بیان دیا تھا کہ سلامی بلے باز احمد شہزاد بہت باصلاحیت ہیں اوروہ سہواگ اور سچن تندولکر جیسے عظیم بلے بازوں کو بھی پیچھے چھوڑنے کی صلاحیت رکھتے ہیں،