یلاپور میں لاری اور کار کی خطرناک ٹکر؛ ایک بچی سمیت تین ہلاک

Source: S.O. News Service | By I.G. Bhatkali | Published on 26th June 2018, 1:13 PM | ساحلی خبریں | ان خبروں کو پڑھنا مت بھولئے |

کاروار26/جون (ایس او نیوز)  ضلع اُترکنڑا کے یلاپور میں ایک منی  لاری اور کار کے درمیان ہوئی ٹکر میں ایک بچی سمیت تین لوگوں کی موقع پر ہی موت واقع ہوگئی، جن کی شناخت ونائک ہیگڈے (40) ان کی اہلیہ ارچنا ہیگڈے  (35) اور ایک  سالہ بچی شراونی کی حیثیت سے کی گئی ہے۔

ذرائع سے ملی اطلاع کے مطابق  کار پر سوار سرسی  کی ایک ہی فیملی  کے لوگ  اپنی چار سالہ بچی کو بیلگام اسکول میں داخلہ کرانے سرسی سے بیلگام  جارہے تھے، جب مخالف سمت سے آنے والی ایک لاری ان کی کار تیز رفتاری کے ساتھ  ٹکراگئی، حادثہ  منگل صبح   یلاپور تعلقہ کے چیکّا ماوّلی نیشنل ہائی وے 63 پر  پیش آیا۔حادثہ میں کار پر سوار  چارسالہ  بچی یشوسنی شدید زخمی ہوئی ہے جسے یلاپور اسپتال میں داخل کیا گیا ہے۔

بتایا گیا ہے کہ  ونائک ہیگڈے بنگلور کی ایک پرائیویٹ کمپنی میں ملازمت کرتے تھے،  حال ہی میں  اُس کا تبادلہ بیلگام میں ہوا تھا، اسی تعلق سے اپنی بچی کوبیلگام اسکول میں داخل کرانے وہ بیلگام جارہے تھے، مگر حادثے میں  چار سالہ بچی شدید زخمی ہوگئی ہے البتہ اس کے والد، والدہ اور چھوٹی بہن تینوں  کی موت واقع ہوگئی ہے۔

حادثے کی اطلاع ملتے ہی یلاپور پولس موقع پر پہنچ گئی ۔ یلاپور تھانہ میں معاملہ درج کیا گیا ہے۔

ایک نظر اس پر بھی

مینگلور: مُلکی پولیس نے کیا بین الریاستی چوروں کو گرفتار۔40لاکھ روپے مالیت کا مسروقہ مال ہوا بر آمد

مُلکی   پولیس اسٹیشن سے وابستہ پولیس افسران نے ایک بین الریاستی چوروں کی ٹولی سے تعلق رکھنے والے دو ملزمین کوگرفتار کرنے کے بعدان کے قبضے سے 40لاکھ روپے مالیت کا مسروقہ مال برآمد کیا ہے۔پولیس کا کہنا ہے کہ اس ٹولی کے دیگر2دیگر اراکین بھاگ نکلنے میں کامیاب ہوگئے۔

’ڈرائیوروں کے لئے آٹھویں تک کی تعلیم ہونے کی شرط ختم‘

 روڈٹرانسپورٹ اور شاہراہوں کے وزیر نتن گڈکری نے کہاکہ ملک میں کم تعلیم یافتہ لوگوں کو روزگار کے مواقع دستیاب کرانے کے لئے ڈرائیوروں کے لئے آٹھویں تک کی تعلیم کی کم از کم تعلیمی اہلیت کی لازمیت کو ختم کردیا گیا ہے۔

نچلی عدالت نے چار ملزمین کو عمر قید اور ایک ملزم کو باعزت بری کیا، جمعیۃ علماء نچلی عدالت کے فیصلہ کو ہائی کورٹ میں چیلنج کرے گی:گلزاراعظمی

14 سالوں کے طویل انتظار کے بعدآج الہ آباد کی خصوصی عدالت نے رام جنم بھومی (ایودھیا دہشت گردانہ حملہ) معاملے میں اپنا فیصلہ سنایا اور پانچ میں سے ایک جانب جہاں چار ملزمین کو عمر قید کی سزا دی وہیں ناکافی ثبوت وشواہد کی بنیاد پر ایک ملزم کو باعزت بری کردیا۔