منڈیامیں بے قابو ٹرک نے 4راہگیروں کو کچل ڈالا۔7افراد شدید زخمی

Source: S.O. News Service | By Shahid Mukhtesar | Published on 3rd October 2018, 11:57 AM | ریاستی خبریں | ان خبروں کو پڑھنا مت بھولئے |

منڈیا3؍اکتوبر(ایس او نیوز) گُٹالو روڈ پر پیش آئے ایک حادثے میں ناریل سے بھرا ہوا ٹرک بے قابو ہوگیا اور اس کی زد میں آنے والے چار راہگیر موقع پر ہی ہلاک ہوگئے جبکہ مزید سات راہگیروں کو شدید چوٹیں آئی ہیں اور ان میں سے تین کی حالت نازک بتائی جاتی ہے۔

کہتے ہیں کہ رات کے وقت کے ایم ڈوڈی علاقے کی جانب سے ناریل سے بھرا ہوا ٹرک شہر میں داخل ہوا لیکن اچانک وہ ڈرائیور کے قابو سے باہر ہوگیا اور سڑک کنارے چل رہے رہگیروں کو کچلنے کے بعد ایک موٹر بائک سے ٹکراگیا۔راہ چلتے لوگوں کو ٹرک کی زد میں آتے دیکھ کر ڈرائیور موقع پر سے فرار ہوگیا۔ اس حادثے میں ہلاک ہونے والوں کی شناخت گیرجمّا، راہل، رافع اور ششانک کے طور پر کی گئی ہے جبکہ زخمیوں کے نام نتیش، کوکیلا، ونئے، رضوان، سید نیامک، ضمیر خان اور پرسنّا بتائے جاتے ہیں۔ ان میں سے نتیش، ونئے اور کوکیلا کی حالت سنگین بنی ہوئی ہے۔ان تمام زخمیوں کو بنگلورو کے نمہانس اسپتال میں داخل کیا گیا ہے۔

منڈیا ٹاؤن کے پولیس افسران نے جائے حادثہ پر پہنچ کر معائنہ کیا اور کیس درج کرلیا ہے۔

ایک نظر اس پر بھی

انتخابات تک ودھان سودھا کو تالالگادیا جائے، ضمنی انتخابات کی طرف حکومت کی مکمل توجہ سے یڈیورپا ناراض

سابق وزیراعلیٰ اور ریاستی بی جے پی صدر بی ایس یڈیورپا نے پانچ حلقوں کے ضمنی ا نتخابات کے لئے وزراء اور حکمران اتحاد کے اراکین اسمبلی کو مکمل طور پر انتخابی مہم میں جھونک دئے جانے پر سخت اعتراض کرتے ہوئے کہا ہے کہ جب تک ضمنی انتخابات نہیں ہوجاتے بہتر ہے کہ وزیراعلیٰ کمار سوامی ...

کورگ ضلع کی از سر نوتعمیر کے لئے خصوصی اتھارٹی جلد: کمار سوامی 

وزیر اعلیٰ ایچ ڈی کمار سوامی نے اعلان کیا ہے کہ پچھلے ماہ طوفانی بارش ، سیلاب اور زمین کھسکنے کے واقعات سے بدحال کورگ ضلع میں باز آباد کاری اور از سر نو تعمیر کے لئے ایک مخصوص اتھارٹی کا قیام عمل میں آئے گا جس کی قیادت وہ خود کریں گے۔

حج 2019 : بحری جہاز سے سفر ممکن : مختار عباس نقوی

مرکزی وزیر برائے اقلیتی امور او رحج مختار عباس نقوی نے حج 2019 کا اعلان کرتے ہوئے کہا کہ مذکورہ سیزن میں بحری جہاز سے بھی سفر ممکن ہوگا ۔انہوں نے اس موقع پر حج ہاؤس کے صدر دفتر کی فلک بوس عمارت پر قومی پرچم لہرایا جو کہ زمین سے 350فٹ کی بلندی پر ہے ۔ انہوں نے کہا کہ حج کمیٹی جی ایس ٹی ...

اجودھیا تنازع : عدالت کے باہر اگر کوئی قانون بنے گا تو اس کو مسلمان نہیں کرے گا تسلیم : اقبال انصاری

ناگپور میں آر ایس ایس سربراہ موہن بھاگوت کے جمعرات کو رام مندر کے معاملہ پر دئے گئے بیان پر مختلف فریقوں کا رد عمل سامنے آرہا ہے ۔ جہاں آل انڈیا مسلم پرسنل بورڈ کے رکن مولانا خالد رشید فرنگی محلی نے موہن بھاگوت کے بیان کو سیاسی قرار دیا ہے ،

بیلتھنگڈی: گاڑی میں غیر قانونی دھماکہ خیز مادہ لے جانے والے سے رشوت لینے کے الزام میں 2پولیس اہلکار معطل

پونجلا کٹّے پولیس اسٹیشن سے وابستہ ایک اے ایس آئی لکشمن اور ہیڈکانسٹیبل ابراہیم کو اس الزام کے تحت معطل کردیا گیا ہے کہ انہوں نے غیر قانونی طور پر موٹر بائک میں دھماکہ خیز اشیاء لے جانے والے چنّا سوامی سے 24ستمبر کو رشوت لی تھی۔

اُترکنڑا میں زائد پرائمری ٹیچروں کا تبادلہ؛ اردو اسکولوں کے ساتھ ناانصافی۔نارتھ کینرا مسلم یونائیٹد فورم کو تشویش

محکمہ تعلیمات کی طرف سے پرائمری اسکولوں میں جہاں طلبہ کی تعداد مقررہ معیارسے کم ہے وہاں سے زائد ٹیچروں کا تبادلہ کرنے کی جو پالیسی اپنائی ہے اس پر اپنا ردعمل ظاہر کرتے ہوئے نارتھ کینرا مسلم یونائٹیڈ فورم کے جنرل سکریٹری جناب محسن قاضی نے کہا ہے اس سے اردو اسکولوں کے ساتھ بڑی ...