لوک سبھا انتخابات کے لئے گھر گھر جاکر چندہ مانگے گی کانگریس

Source: S.O. News Service | By Shahid Mukhtesar | Published on 8th September 2018, 11:54 AM | ملکی خبریں |

نئی دہلی8ستمبر ( ایس او نیوز؍آئی این ایس انڈیا ) کانگریس نے 2019 کے لوک سبھا انتخابات اور آئندہ اسمبلی انتخابات کے لئے ضروری مالی انتظام کرنے کی خاطر اب گھر گھر تک پہنچنے کی منصوبہ بنایا ہے۔پارٹی کے کارکن آنے والے دنوں میں گھر گھر جا کر ووٹ کے ساتھ چندہ بھی مانگیں گے۔کانگریس کے پالیسی سازوں کا خیال ہے کہ پارٹی کو یہ قبول کرنے میں گریز نہیں کرنا چاہئے کہ کارپوریٹ گروپوں سے اس چندہ نہیں مل رہا اور وہ عوام کی مدد سے الیکشن لڑنا چاہتی ہے۔پارٹی کے خزانچی احمد پٹیل اور تنظیم کے سیکرٹری جنرل اشوک گہلوت نے کل کانگریس جنرل سکریٹریوں، انچارج، صوبہ یونٹس کے صدور کے ساتھ ملاقات کی جس میں بہت سے دوسرے مسائل کے ساتھ آئندہ انتخابات کے لئے مالی انتظامات پر بھی گفتگو ہوئی۔ میٹنگ میں موجود رہے کانگریس کے ایک سینئر لیڈر نے بتایا کہ میٹنگ میں ڈور ٹو ڈور رابطہ مہم، بوتھ سطح پر تنظیم کو مضبوط کرنے اور براہ راست عوام سے چندہ جمع کرنے کی بات کی گئی۔ براہ راست عوام سے چندہ مانگنا ایک بہترین منصوبہ ہے۔ اس سے پارٹی براہ راست عام لوگوں سے ملے گی ۔ پارٹی کی اس میٹنگ میں شامل رہے ایک اور رہنما نے کہا کہ سب کو پتہ ہے کہ کارپوریٹ دنیا حکمران پارٹی کے ساتھ ہے۔ کانگریس ہمیشہ سے غریبوں اور عام عوام کی پارٹی رہی ہے۔ اگر ہم ووٹ کے ساتھ چندہ مانگنے کے لئے بھی براہ راست عام لوگوں تک جائیں گے تو اس میں کچھ بھی غلط نہیں ہے۔انہوں نے کہا کہ اس اقدام سے عوام کے درمیان بھی پیغام جائے گا کہ ہم انتخابی چندے کو لے کر ایماندار ہیں اور جیتنے کے بعد ہم عام لوگوں کے لئے ہی کام کریں گے۔ 

ایک نظر اس پر بھی

کانگریس امیدوار ملند دیوڑا کے خلاف ایف آئی آر درج، مذہب کی بنیاد پر ووٹ مانگنے کا الزام،بی جے پی لیڈروں کے بیانات پرتماشائی

بی جے پی لیڈران مسلسل متنازعہ بیانات دے رہے ہیں لیکن الیکشن کمیشن سادھوی،امت شاہ جیسے لوگوں پرکارروائی تونہیں کررہاہے وہ تماشائی بناہواہے لیکن اپوزیشن کے لیڈران پرفوراََنوٹس لے لیاجارہاہے۔

کرکرے کے بعد بابری مسجد پر بیان: پرگیہ ٹھاکر کو الیکشن کمیشن کا ایک اور نوٹس جاری

دہشت گردانہ حملے میں شہید ہونے والے مہاراشٹر پولس کے سینئر افسر ہیمنت کرکرے کے بارے میں دیئے گئے بیان کے بعد بھوپال پارلیمانی سیٹ سے بھارتیہ جنتا پارٹی (بی جے پی) کی امیدوار پرگیہ سنگھ ٹھاکر اب ایودھیا کے بابری مسجد-رام مندر مسئلے پر دیئے گئے بیان کو لے کر زیر بحث آ گئی ہے۔

سابق وزیراعظم دیوے گوڈا کا بھٹکل دورہ؛ کہا، جمہوریت خطرے میں ہے، اُسے بچانے کے لئے ہر شہری کو آگے آنا ہوگا

اس بار کے انتخابات سب سے زیادہ اہم اس لئے  ہے کہ مودی کے زیر اقتدار ملک کی جمہوریت کو خطرہ لاحق ہوگیا ہے۔جب سے مودی ملک کے وزیراعظم  بنے ہیں ملک کے سرکاری جمہوری اداروں میں  دخل اندازی سے  عدالت تک محفوظ نہیں ہے، ریزروبینک آف انڈیا  ہو ، انفورسمنٹ ڈائرکٹوریٹ ہو، سی بی آئی ...