بھٹکل کی لائن اسپورٹس سنٹر’اسکوائر آر ایس اے T20ٹورنامنٹ‘ کی چمپئین:فائنل میں 40رنوں سے رایل کو شکست
بھٹکل:15؍فروری (ایس او نیوز)منکی کے کوچاپو میدان میں آر ایس اے منکی کی طرف سے منعقدہ ٹی 20کرکٹ ٹورنامنٹ کے فائنل مقابلے میں لائنس اسپورٹس سنٹر نے رایل اسپورٹس سنٹر کو 40رنوں سے شکست دے کر ’اسکوائر آر ایس اے چمپئین ٹروفی ‘ کا خطاب جیتا۔
رایل کے کپتان عبدالرب نے ٹاس جیتنے کے بعد پہلے بالنگ کرنے کافیصلہ لیا۔ لائن پہلے بیاٹنگ کرتے ہوئے متعینہ 20اوورس میں 5وکٹ گنوا کر 212رن بنائے۔ جس میں وسیم آثار مٹا نے 31گیندوں میں 9چوکے اور 2چھکوں کی مدد سے بہترین 60رن بنائے۔ جب کہ نسیم آثار مٹا نے 19گیندوں میں 5چوکوں اور 2چھکوں کی مدد سے تیز رفتاری کے ساتھ 38رن بٹورے۔ ان کے علاوہ فوسیر گنگاولی نے 38بالوں میں 45رن بنا کر ناٹ آؤٹ رہے جس میں انہوں نے 5چوکے اور ایک چھکا لگایا۔
لائن کے 212رنوں کا پیچھا کرتے ہوئے رایل نے 20اووروں میں 7وکٹ کھو کر صرف 172رنوں پر سمٹ گئی ۔ رایل کی طرف سے صرف زہیب مصباح نے 5چوکوں اور 5 چھکوں کی مدد سے 43گیندوں میں 68رن بناکر سہارا دیا۔ جیت حاصل کرنےو الی لائن ٹیم کو ٹروفی کے ساتھ 50،000روپئے اور رنر اپ رایل کو مع ٹروفی 30،000روپئے انعام کے طورپر نوازے گئے۔
ٹورنامنٹ میں بہترین کھیل کا مظاہرہ کرنےو الے کھلاڑیوں کو اختتامی تقریب میں انعامات سے نوازاگیا۔ جن میں آر ایس اے منکی کے عالم سودا کو پلئیر آف دی ٹورنامنٹ ،لائن کے وسیم آثار مٹا کو پلئیر آف دی فائنل میچ اور ٹورنامنٹ میں نظم وضبط کا مظاہرہ کرنےو الی وائی ایم ایس اے بھٹکل ٹیم کو فئیر پلے کے ایوارڈ سے نوازاگیا۔ لائن کے فسیر گنگاولی اور رایل کے وقاص سدی باپا نے بالترتیب آرینج کیپ اور پرپل کیپ کے حق دار بنے۔
اختتامی تقریب میں آر ایس اے منکی کے صدر محمد اسلم چامنڈی ،جماعت المسلمین منکی کے چیف قاضی مولانا شکیل سکری ندوی ، جماعت المسلمین منکی کے صدر احمد باشا عابدہ ، جنرل سکریٹری ارشاد قاضی ، نائب صدر مولانا قریش قاضی ، سکریٹری عرفات علی باپو، شریف علی باپو، نمیر سودا، عالم سودا، شازمان قاضی ، مصطفیٰ سودا،رایل کے مولانا جواد ، عاقب سودا وغیرہ موجود تھے۔