انکم ٹیکس ریٹرن داخل کرنے کے لیے پین کارڈ کے ساتھ آدھارکارڈ جوڑنا ضروری: سپریم کورٹ

Source: S.O. News Service | By Shahid Mukhtesar | Published on 7th February 2019, 12:39 AM | ملکی خبریں |

نئی دہلی،06 ؍فروری (ایس او نیوز؍آئی این ایس انڈیا) سپریم کورٹ نے کہا ہے کہ انکم ٹیکس ریٹرن داخل کرنے کے لئے پین کارڈ کو آدھار کارڈ کے ساتھ جوڑنا لازمی ہے۔

جسٹس اے کے سیکری اور جسٹس ایس عبداالنذیر کی بنچ نے کہا کہ عدالت پہلے ہی اس معاملے میں فیصلہ سناتے ہوئے انکم ٹیکس قانون کی دفعہ 139 اے اے کو صحیح ٹھہرا چکی ہے۔عدالت عظمی نے شریا سین اورجے شری ستپڑے کو سال 2018-19کا انکم ٹیکس ریٹرن پین کارڈ نمبر کو آدھارسے جوڑے بغیر ہی داخل کرنے کی اجازت دینے کے دہلی ہائی کورٹ کے حکم کے خلاف مرکز کی اپیل پر یہ ہدایت دی۔بنچ نے کہا کہ ہائی کورٹ نے اس حقیقت کے پیش نظر اس کا حکم دیا تھا کہ معاملہ عدالت میں غور کے لیے زیر التوا ہے۔اس کے بعدچونکہ عدالت نے اس معاملے میں گزشتہ سال 26 ستمبر کو فیصلہ سنا دیا اور انکم ٹیکس قانون کی دفعہ 139 اے اے کو برقرار رکھا ہے، تو پین کارڈ نمبر کو آدھار سے جوڑنا لازمی ہے۔

بنچ نے مرکز کی اپیل کا نمٹارا کرتے ہوئے واضح کیا کہ ٹیکس سال 2019-20کے لیے انکم ٹیکس ریٹرن عدالت کے فیصلے کے مطابق داخل کرنا ہوگا۔پانچ رکنی آئینی بنچ نے 26 ستمبر، 2018 کو اپنے فیصلے میں مرکز کی آدھارمنصوبہ کو آئینی طور پر جائز قرار دیتے ہوئے کہا تھا کہ انکم ٹیکس ریٹرن دائر کرنے اور پین نمبر کے مختص کیلئے آدھار کارڈ لازمی ہوگا لیکن بینک اکاؤنٹس کیلئے آدھارکارڈ ضروری نہیں ہے۔اسی طرح موبائل کنکشن کے لیے ٹیلی کمیونیکیشن سروس کی فراہمی کے لیے بھی آدھار کارڈ نہیں مانگ سکتے ہیں۔

ایک نظر اس پر بھی

مدھیہ پردیش اور مرکز کی بی جے پی حکومت خاتون، نوجوان اور کسان مخالف: جیتو پٹواری

 مدھیہ پردیش میں لوک سبھا انتخابات کی مہم زور پکڑ رہی ہے۔ کانگریس قائدین کی موجودگی میں شہڈول پارلیمانی حلقہ کے امیدوار پھندے لال مارکو اور منڈلا کے امیدوار اومکار سنگھ مرکام نے اپنے کاغذات نامزدگی داخل کئے۔ اس موقع پر کانگریس لیڈروں نے کہا کہ ریاستی اور مرکزی حکومتیں ...

عدلیہ کی سالمیت کو خطرہ قرار دیتے ہوئے 600 وکلا کا چیف جسٹس آف انڈیا کو مکتوب

عدالتی سالمیت کے خطرے کے حوالے سے ہندوستان بھر کے ۶۰۰؍ وکلاء جن میں ایڈوکیٹ ہریش سالوے اور بار کونسل آف انڈیا کے چیئرمین منن کمار شامل ہیں نے چیف جسٹس آف انڈیا ڈی وائی چندرچڈ کو مکتوب لکھا ہے۔ وکلاء نے ’’مفاد پرست گروہ‘‘ کی مذمت کی ہے جو عدالتی عمل میں ہیرا پھیری، عدالتی ...

ملک کی وزیر خزانہ نرملا سیتارمن کے پاس الیکشن لڑنے کے لیے پیسے نہیں!

ملک کے خزانے کا حساب و کتاب رکھنے والی وزیر خزانہ نرملا سیتارمن کے پاس الیکشن لڑنے کے لیے پیسے نہیں ہیں۔ یہ انکشاف انہوں نے خود ہی کیا ہے۔ انہوں نے کہا کہ پارٹی صدر جے پی نڈا نے مجھ سے لوک سبھا الیکشن لڑنے کے بارے میں پوچھا تھا مگر انہوں نے انکار کر دیا کیونکہ ان کے پاس الیکشن ...

مہوا موئترا نے ای ڈی کے سمن کو کیا نظر انداز، کرشنا نگر میں چلائیں گی انتخابی مہم

 ترنمول کانگریس (ٹی ایم سی) لیڈر مہوا موئترا نے انفورسمنٹ ڈائریکٹوریٹ (ای ڈی) کے سمن کو نظر انداز کرتے ہوئے کہا کہ وہ آج کرشنا نگر لوک سبھا حلقہ میں انتخابی مہم چلائیں گی۔ انہیں دہلی میں ای ڈی کے دفتر میں پوچھ گچھ کے لیے حاضر ہونے کو کہا گیا تھا۔

دہلی میں شدید گرمی، درجہ حرارت 37 ڈگری سیلسیس تک پہنچا

 دہلی اور اس کے آس پاس کے علاقوں میں درجہ حرارت میں اضافہ درج کیا جانے لگا ہے اور مارچ میں ہی گرمی نے اپنا زور دکھانا شروع کر دیا ہے۔ محکمہ موسمیات کے مطابق بدھ کو قومی راجدھانی میں رواں سال کا گرم ترین دن ریکارڈ کیا گیا۔ دریں اثنا، زیادہ سے زیادہ درجہ حرارت 37 ڈگری سیلسیس تک پہنچ ...