بھٹکل، 18؍نومبر(ایس او نیوز)اسٹیٹ بینک آف انڈیا نے تمام گاہکوں کو اپنا آدھاراورPAN کارڈ نمبر 31دسمبر 2017تک اپنے بینک اکاونٹ سے جوڑنے کی مہلت دی ہے اور وقت سے پہلے آدھار کارڈ  نمبر نہ جوڑنے کی صورت میں اُن کا بینک اکائونٹ بند کئے جانے کی تنبیہ کی ہے۔

خیال رہے کہ غیر قانونی طور پر رقم منتقلی (منی لانڈرنگ)کی روک تھام سے متعلقہ قانون PMLایکٹ کے ترمیم شدہ قوانین کے مطابق اب بینک میں کھاتہ رکھنے والے تمام افراد کو سرکار کی طرف سے جاری کردہ 12عدد والے آدھار کارڈنمبراکاونٹ کے ساتھ جوڑنا ضروری ہے۔اگر آپ نے ابھی تک اپنے اکاونٹ کے ساتھ آدھار کارڈ نمبر نہیں جوڑا ہے تو پھراسٹیٹ بینک کے انٹرنیٹ بینکنگ پورٹل سے آن لائن بھی اسے لنک کیا جاسکتا ہے۔اگر آپ انٹرنیٹ بینکنگ کا استعمال کرتے ہیں تو پھر www.onlinesbi.comپر اسکرین کے بائیں طرف پینل میں موجود 'مائی اکاونٹ' کے تحت 'لنک یوور آدھار نمبر'پر اپنا آدھار نمبر داخل کردیجیے۔ 31دسمبر 2017تک یہ کارروائی انجام دی جاسکتی ہے۔