بھٹکل میں بجلی گرنے سے دو عورتوں کے کپڑوں میں لگ گئی آگ؛ دونوں زخمی؛ دو درختوں پر بھی گری بجلی

Source: S.O. News Service | By I.G. Bhatkali | Published on 3rd June 2018, 6:48 PM | ساحلی خبریں | ان خبروں کو پڑھنا مت بھولئے |

بھٹکل 3/جون (ایس او نیوز) بھٹکل تعلقہ کے شرالی میں آج دوپہر بجلی گرنے سے دو عورتوں کےپہنے ہوئے کپڑوں میں آگ لگ گئی ، جبکہ مکان کے دو کمروں کو شدید نقصان پہنچا۔ ساتھ ساتھ یہاں دو ناریل کے درخت بھی بجلی کی زد میں آگئے اور دونوں درختوں کو آگ لگ گئی۔ واردات اتوار کی دوپہر قریب دو بجے پیش آئی ہے۔

کپڑے جلنے کی وجہ سے دونوں عورتوں میں خوف وہراس کی لہر دوڑ گئی  اور اُنہیں بجلی کا شاک بھی لگا، جس سے دونوں کو شرالی سرکاری اسپتال لے جایا گیا ہے۔ ان کی شناخت مادھوی لکشمن موگیر (۳۸) اور وینیتا جناردھن موگیر (۱۸) کی حیثیت سے کی گئی ہے۔

دوپہر قریب دو  بجے بھٹکل میں بادلوں کی زبردست گرج کے ساتھ بجلیاں گرنی شروع ہوگئی تھی، جس کے ساتھ ہی ہلکی ہلکی بارش شروع ہوگئی تھی، ایسے میں ایک بجلی ایسی کوندی کہ شرالی کے ایک مکان کی دیوار میں شگاف پڑ گیا، اسی مکان کی چھت بھی بجلی کی زد میں آکر اُسے بھی نقصان پہنچا۔ بجلی گرنے سے الیکٹرک میٹر، ٹی وی اور دیگر الیکٹرانک چیزیں بھی جل کر خاک ہوگئی ہیں۔

بجلی اتنی خطرناک تھی کہ اسی مکان کے باہر دو ناریل کے درختوں کو بھی آگ لگ گئی۔ دونوں درخت جل کر تباہ ہوچکے ہیں۔

واقعے کی اطلاع ملتے ہی بھٹکل تحصیلدار وی پی کوٹرلّی سمیت دیگر اہلکار چاند پاشہ، سویتا گوڈا وغیرہ جائے وقوع پر پہنچے اور مکان کا جائزہ لیتے ہوئے زخمی ہونے والی دونوں عورتوں سے بھی بات چیت کی۔

دوپہر میں بادلوں کی گرج کے ساتھ  ہی ہلکی ہلکی  بارش شروع ہوگئی تھی مگر رات  کو شہر میں موسلادھار بارش ہوئی ہے

ایک نظر اس پر بھی

اُترکنڑا سے چھٹی مرتبہ جیت درج کرنے والے اننت کمار ہیگڑے کی جیت کا فرق ریاست میں سب سے زیادہ؛ اسنوٹیکر کو سب سے زیادہ ووٹ بھٹکل میں حاصل ہوئے

پارلیمانی انتخابات میں شمالی کینرا کے بی جے پی امیدوار اننت کمار ہیگڈے نے پوری ریاست کرناٹک میں سب سے زیادہ ووٹوں سے کامیابی حاصل کی ہے۔ انہوں نے 479649 ووٹوں کی اکثریت سے کانگریس  جے ڈی ایس مشترکہ اُمیدور  آنند اسنوٹیکر  کو شکست دی ۔

ریاست میں کبھی ہار کا منھ نہ دیکھنے والے سیاسی لیڈروں کی ذلت بھری شکست

ریاست کرناٹکا میں انتخابی میدان میں کبھی ہار کا منھ نہ دیکھنے والے چند نامورسیاسی لیڈران جیسے ملیکا ارجن کھرگے، دیوے گوڈا، ویرپا موئیلی اورکے ایچ منی اَپا وغیرہ کو اس مرتبہ پارلیمانی انتخاب میں انتہائی ذلت آمیز شکست سے دوچار ہونا پڑا ہے۔ 

منگلورو:کلاس میں اسکارف پہننے پر سینٹ ایگنیس کالج نے طالبہ کو دیا ٹرانسفر سرٹفکیٹ۔طالبہ نے ظاہر کیاہائی کورٹ سے رجوع ہونے اور احتجاجی مظاہرے کاارادہ

کلاس روم میں اسکارف پہن کر حاضر رہنے کی پاداش میں منگلورومیں واقع سینٹ ایگنیس کالج نے پی یو سی سال دوم کی طالبہ فاطمہ فضیلا کو ٹرانسفر سرٹفکیٹ دیتے ہوئے کالج سے باہر کا راستہ دکھا دیا ہے۔

بھٹکل میں رمضان باکڑہ کی نیلامی؛ 40 باکڑوں کے لئے میونسپالٹی کو 1126 درخواستیں

رمضان کے آخری عشرہ کے لئے بھٹکل  میں لگنے والے رمضان باکڑہ کی آج میونسپالٹی کی جانب سے  نیلامی کی گئی۔ بتایا گیاہے کہ 40 باکڑوں کی نیلامی کے لئے  میونسپالٹی کے جملہ 1126 درخواست فارمس فروخت ہوئے تھے۔ 

مسلمانوں کے خلاف اشتعال انگیز بیانات دینے والوں کی بھاری اکثریت کے ساتھ جیت

مسلمانوں کے خلاف ہمیشہ اشتعال انگیز بیانات دینے والوں کو اس مرتبہ لوک سبھا انتخابات میں بھاری اکثریت کے ساتھ کامیابی حاصل ہوئی ہے۔ اترکنڑا لوک سبھا حلقے کے بی جے پی اُمیدوار اننت کمار ہیگڈے جنہوں نے کہا تھا کہ جب تک اسلام رہے گا دہشت گردی رہے گی،اسی طرح انہوں نے  دستور کی ...

ایچ کے پاٹل نے راہل گاندھی کو بھیجا استعفیٰ

ریاست میں کانگریس کے تشہیری مہم کمیٹی کے صدر ایچ کے پاٹل نے لوک سبھا انتخابات میں ریاست میں پارٹی کی شکست کی اخلاقی ذمہ داری لیتے ہوئے اپنے عہدے سے استعفی دینے کی پیشکش کی ہے۔