لیبیا کی فوج کا درنہ شہر کے کئی ٹھکانوں پر کنٹرول ، 21 دہشت گرد گرفتار

Source: S.O. News Service | By Shahid Mukhtesar | Published on 17th May 2018, 1:03 PM | عالمی خبریں |

طرابلس 16 مئی ( ایس او نیوز؍آئی این ایس انڈیا ) لیبیا میں سرکاری فوج کے میڈیا کوآرڈی نیٹر عبدالکریم صبرہ نے بتایا ہے کہ لیبیا کی فوج کے یونٹس منگل کی دوپہر سے درنہ شہر کی جانب پانچ اطراف سے پیش قدمی کر رہے ہیں۔صبرہ نے بتایا کہ فوج نے درنہ کے جنوب میں واقع علاقے الحیلہ پر مکمل کنٹرول حاصل کر لیا ہے۔ ادھر لیبیا کی فوج نے ایک بیان مین درنہ کی مقامی آبادی کو خبردار کیا ہے کہ وہ دہشت گرد گروپوں کے نشانچیوں سے دوْر رہیں جو شہر میں گھروں کی چھتوں کو استعمال کر رہے ہیں۔بیان کے مطابق فوج نے لڑائی کے دوران شہر کے اطراف دہشت گرد گروپوں کے مورچہ بند ٹھکانوں پر کنٹرول حاصل کر لیا۔پیر کے روز لیبیا کی فوج اور دہشت گرد جماعتوں پر مشتمل گروپ "مجلس شورۃ درنہ" کے جنگجوؤں کے درمیان بھاری ہتھیاروں کے ساتھ مختلف علاقوں میں شدید جھڑپیں ہوئیں۔ اس گروپ نے 2012 سے درنہ شہر پر قبضہ کیا ہوا ہے۔دوسری جانب لیبیا کی فوج کے حربی ذرائع ابلاغ کے شعبے نے 21 دہشت گردوں کو گرفتار کیا ہے جن میں 6 افراد مختلف غیر ملکی شہریتوں کے حامل ہیں۔ شعبے کے مطابق لڑائی کا سلسلہ ابھی جاری ہے۔لیبیا کی فوج کے سربراہ خلیفہ حفتر نے رواں ماہ کی سات تاریخ کو درنہ شہر کو "مجلس شوری درنہ" گروپ کے قبضے سے آزاد کرانے کے لیے فوجی آپریشن شروع کرنے کا اعلان کیا تھا۔ مذکورہ گروپ نے خود کو تحلیل کر کے "درنہ پروٹیکشن فورس" کا نام دے دیا تھا۔ گروپ یہ گمراہ کن دعوی بھی کرتا ہے کہ لیبیا کے عوام اس کی صفوں میں شامل ہیں۔

ایک نظر اس پر بھی

نوازشریف کو کچھ ہوا تو عمران ذمہ دار ہوں گے :شہباز

پنجاب اسمبلی میں قائد حزب اختلاف حمزہ شہباز نے کہا ہے کہ حکومت نواز شریف کی صحت سے متعلق بے حسی کا مظاہرہ کر رہی ہے اوراہل خانہ کو انکی صحت سے متعلق کچھ آگاہ نہیں کیا جا رہا، نواز شریف کو کچھ ہوا تو ذمہ دار وزیراعظم ہوں گے،نیازی صاحب نے وعدہ کیا تھا کہ ہم نئے صوبہ بنائیں گے، ...

وینزویلا:حکومت کے حامی اور مخالفین سڑکوں پر

وینزویلا کے دارالحکومت کارکاس میں حکومت کے حامی اور مخالفین سڑکوں پر نکل آئے۔ایک طرف صدر مادورو کی اپیل پر ہاتھوں میں وینزویلا کے پرچم لئے مظاہرین سڑکوں پر تھے تو دوسری طرف حزب اختلاف کے لیڈر ہوان گوآئیڈو کے حامی۔مادورو کے حامی شاویز کے انقلابِ بولیوار کی 20 ویں سالانہ یاد کے ...

2014 کے لوک سبھا انتخابات میں تمام ای وی ایم ہیک کئے گئے تھے: امریکن سائبر ایکسپرٹ کا دعویٰ؛ کیا ای وی ایم نے بی جے پی کو اقتدار دلایا ؟

 امریکہ میں مقیم ایک سائبر ماہر سید شجاع نے دعویٰ کیا ہے کہ   ہندستان میں    سال 2014میں ہوئےعام انتخابات میں استعمال کی گئی  الیکٹرونک ووٹنگ مشین (ای وی ایم) کو  ہیک کیا گیا تھا۔ 543 سیٹوں والے اس الیکشن میں بی جے پی کو282 سیٹوں پر شاندار کامیابی حاصل ہوئی تھی اور سن 1984 کے بعد پہلی ...

بنگلہ دیش انتخابات میں شیخ حسینہ کامیاب، اپوزیشن نے نتائج ماننے سے کیا انکار

خبر رساں اداروں کے مطابق بنگلہ دیشی وزیر اعظم شیخ حسینہ واجد کی حکمران جماعت عوامی لیگ نے اتوار 30 دسمبر کو ہونے والے عام انتخابات میں اپوزیشن کے مقابلے میں بڑی برتری حاصل کر لی ہے اور حتمی نتائج میں عوامی لیگ کو کل 350 نشستوں میں سے 281 نشستوں پر کامیابی حاصل ہوئی ہے۔

ایرانی حکومت ٹوئٹراستعمال کر رہی ہے مگر عوام کے لیے ممنوع ہے : امریکی سفیر

جرمنی میں امریکی سفیر رچرڈ گرینل کا کہنا ہے کہ ایرانی حکومت خود ٹویٹر کا استعمال کر رہی ہے مگر عوام کے لیے اس کا استعمال روکا ہوا ہے۔ انہوں نے یہ بات ایرانی پارلیمنٹ کے اسپیکر علی لاریجانی سے منسوب ٹویٹر اکاؤنٹ کھولے جانے پر تبصرہ کرتے ہوئے کہی۔اگرچہ ایرانی میڈیا نے مذکورہ ...