اُردن میں منعقدہ عرب سربراہ اجلاس میں لبنانی صدر منہ کے بل گر پڑے;گرنے کی ویڈیو سوشل میڈیا پر وائرل

Source: S.O. News Service | Published on 30th March 2017, 4:29 PM | عالمی خبریں | خلیجی خبریں |

عمان،30مارچ (ایس او نیوز)اردن کی میزبانی میں منعقدہ 28 ویں عرب سربراہ اجلاس کے اختتام پر لبنانی صدر میشل عون جب عرب قیادت کے گروپ فوٹو کے لیے ایک ہال میں آرہے تھے، تو اچانک  منہ کے بل گر پڑے۔ ذرائع سے ملی اطلاع کے مطابق عرب سربراہ اجلاس کے اختتام پر عرب قیادت کے گروپ فوٹوسیشن کے لیے تمام شرکاء  ایک ہال میں جمع ہو رہے تھے۔ اس دوران لبنانی صدر میشل عون بھی جیسے ہی ہال کے اندر داخل ہوئے تو ان کا پائوں الجھ گیا اور وہ منہ کے بل گر پڑے۔جس کے بعد ان کی ویڈیو سوشل میڈیا پر وائرل ہو گئی۔لبنانی سرکاری ذرائع ابلاغ کے مطابق صدر عون بہ خیریت ہیں۔

عرب سربراہ قیادت کے ساتھ ان کی یادگاری تصویر مقبول ہویا نہ  ہو مگر ان کے منہ کے بل گرنے کا منظر پوری دنیا نے دیکھا۔ میشل عون کے گرنے کے لمحات کی ایک فوٹیج تیزی سے مقبول ہو رہی ہے۔ عرب لیگ کے اجلاس میں انہوں نے  خطاب بھی کیا ہے۔خیال رہے کہ لبنانی صدر دو روز قبل اردن میں منعقدہ عرب سربراہ کانفرنس میں شرکت کے لیے عمان پہنچے تھے جہاں اردنی فرمانروا شاہ عبداللہ دوم نے ان کا استقبال کیا تھا۔

 

ایک نظر اس پر بھی

شارجہ میں ابناء علی گڑھ مسلم یونیورسٹی کی خوبصورت تقریب؛ یونیورسٹی میں میڈیکل تعلیم صرف 60 ہزار میں ممکن!

علی گڈھ مسلم یونیورسٹی جسے بابائے قوم مرحوم سر سید احمد خان نے دو سو سال قبل قائم کیا تھا آج تناور درخت کی شکل میں ملک میں تعلیم کی روشنی عام کررہا ہے۔اس یونیورسٹی میں میڈیکل کے طلبا کے لئے پانچ سال کی تعلیمی فیس صرف 60,000 روپئے ہے، حالانکہ دوسری یونیورسیٹیوں میں میڈیکل کے طلبا ...

متحدہ عرب امارات میں حفظ قرآن جرم، حکومت کی منظوری کے بغیر کوئی شخص قرآن حفظ نہیں کرسکتا، مساجد میں مذہبی تعلیم اور اجتماع پر بھی پابندی

مشرقی وسطیٰ کے مختلف ممالک میں داخل اندازی اور عرب کی اسلامی تنظیموں کو دہشت گرد قرار دینے کے بعد متحدہ عرب امارات قانون کے ایسے مسودہ پر کام کررہا ہے جس کی رو سے حکومت کی منظوری کے بغیر قرآن شریف کا حفظ بھی غیرقانونی ہوگا۔