آٹھ سالہ بچے کی ویڈیو، آسٹریلیا میں تفتیش جاری
ملبورن30اپریل(ایس او نیوز/آئی این ایس انڈیا)آسٹریلوی حکام ایک ایسی ویڈیو کے بارے میں تحقیقات کر رہے ہیں، جس میں ایک آٹھ سالہ بچہ اپنے سینے پر خود کش جیکٹ پہنے آسٹریلوی شہریوں کو قتل کرنے کی دھمکی دے رہا ہے۔ یہ بچہ دہشت گرد تنظیم اسلامک اسٹیٹ کے ایک مشتبہ جنگجو خالد شروف کا سب سے چھوٹا بیٹا ہے۔ آسٹریلیا میں انسداد دہشت گردی کے نئے قوانین کے تحت اس سال فروری میں شروف کی آسٹریلیا کی شہریت اس کی غیر حاضری میں ختم کر دی گئی تھی۔ وہ اس قانون سے متاثر ہونے والا پہلا شخص ہے۔ غیر مصدقہ اطلاعات کے مطابق شروف دو برس قبل عراق میں ایک ڈرون حملے میں مارا جا چکا ہے۔