رانچی:19/نومبر(ایس او نیوز/آئی این ایس انڈیا)چارہ گھوٹالے میں سزاکاٹ رہے آرجے ڈی کے صدر لال لو پرساد یادو کی طبیعت دائیں ٹانگ میں پھوڑے کی وجہ سے اورخراب ہوگئی ہے۔ان کاعلاج کررہے ڈاکٹروں نے یہ معلومات دی۔یادویہاں ابھی راجندر انسٹی ٹیوٹ میڈیکل سائنسز (رمس)میں بھرتی ہیں۔ان کا علاج کرنے والے رمس کے ڈاکٹر امیش پرساد نے بتایا کہ پھوڑے کی وجہ سے ذیابیطس کا شکار لالو کا شوگر لیول اور بلڈ پریشر گزشتہ دو تین دنوں میں اضافہ ہوا ہے۔انہوں نے کہا کہ شوگربڑھنے کی وجہ سے بہار کے سابق وزیر اعلی کو دی جانے والی انسولین کی تعداد بڑھادی گئی ہے۔ڈاکٹر نے کہا کہ لالو کاکریٹنن لیول بھی 1.5سے بڑھ کر 1.85تک ہوگیا ہے اور ان کے خون کادوران بھی 12ہزار ہو گیاہے، جو عام طور پر 4000اور 8000کے درمیان رہتا ہے۔انہوں نے کہا کہ انفیکشن پھوڑے کوٹھیک ہونے میں کچھ وقت لگے گا۔لالو کی 24گھنٹوں نگرانی کی جا رہی ہے۔