’مودی وزیراعظم کے عہدہ کے لیے موزوں نہیں‘،لالو پرساد یادو کا پی ایم پرحملہ جاری

Source: S.O. News Service | By Shahid Mukhtesar | Published on 23rd February 2017, 12:59 PM | ملکی خبریں |

امیٹھی، 22؍فروری (ایس او نیوز ؍آئی این ایس انڈیا )آرجے ڈی کے سربراہ لالوپرساد یادونے کہاہے کہ نریندر مودی وزیر اعظم کے عہدے کے لیے موزوں نہیں ہیں اور وہ ملک کے نوجوانوں کوبہکارہے ہیں۔لالویادو نے جیت پور میں تلوئی اسمبلی سیٹ سے کانگریس امیدوار ونود مشرا کے لیے تشہیر کرتے ہوئے ایک جلسہ عام میں کہاکہ مودی مختلف طریقوں سے نوجوانوں کو بہکا رہے ہیں اور وہ وزیر اعظم کے عہدے کے لائق نہیں ہیں۔بہار کے سابق وزیراعلیٰ نے دعویٰ کیاکہ اتر پردیش میں کانگریس -سماجوادی اتحاد اقتدار میں آئے گا ۔واضح رہے کہ اتر پردیش اسمبلی انتخابات کے پانچویں مرحلے کے تحت امیٹھی میں 27؍فروری کو پولنگ ہوگی۔غورطلب ہے کہ وزیر اعظم مودی آج کل اسمبلی انتخابات کی تشہیر میں مصروف ہیں ، وہیں آر جے ڈی کے صدرلالوپرساد یادو ان پرمسلسل نشانہ سادھ رہے ہیں، حال ہی میں لالوپرسادیادونے ٹوئٹ کرکے کہاتھا کہ وزیر اعظم مودی کہتے ہیں کہ میراکیاہے؟۔ جھولااٹھاکرچل دوں گا، لیکن یہ نہیں بتایاکہ اس پوشیدہ جھولے میں امبانی، اڈانی کے علاوہ اور کون- 2سے جھولے جھمیلے بھرے ہوئے ہیں۔دراصل، وزیر اعظم مودی نے کئی ریلیوں میں کہا تھا کہ میرا کیا ہے، میں تو فقیر ہوں، تھیلے اٹھاکر چل دوں گا اور یہ سچ ہے کہ اسی فقیری نے انہیں غریبوں کے حق کی لڑائی لڑنے کی طاقت دی ہے۔

ایک نظر اس پر بھی

مدھیہ پردیش اور مرکز کی بی جے پی حکومت خاتون، نوجوان اور کسان مخالف: جیتو پٹواری

 مدھیہ پردیش میں لوک سبھا انتخابات کی مہم زور پکڑ رہی ہے۔ کانگریس قائدین کی موجودگی میں شہڈول پارلیمانی حلقہ کے امیدوار پھندے لال مارکو اور منڈلا کے امیدوار اومکار سنگھ مرکام نے اپنے کاغذات نامزدگی داخل کئے۔ اس موقع پر کانگریس لیڈروں نے کہا کہ ریاستی اور مرکزی حکومتیں ...

عدلیہ کی سالمیت کو خطرہ قرار دیتے ہوئے 600 وکلا کا چیف جسٹس آف انڈیا کو مکتوب

عدالتی سالمیت کے خطرے کے حوالے سے ہندوستان بھر کے ۶۰۰؍ وکلاء جن میں ایڈوکیٹ ہریش سالوے اور بار کونسل آف انڈیا کے چیئرمین منن کمار شامل ہیں نے چیف جسٹس آف انڈیا ڈی وائی چندرچڈ کو مکتوب لکھا ہے۔ وکلاء نے ’’مفاد پرست گروہ‘‘ کی مذمت کی ہے جو عدالتی عمل میں ہیرا پھیری، عدالتی ...

ملک کی وزیر خزانہ نرملا سیتارمن کے پاس الیکشن لڑنے کے لیے پیسے نہیں!

ملک کے خزانے کا حساب و کتاب رکھنے والی وزیر خزانہ نرملا سیتارمن کے پاس الیکشن لڑنے کے لیے پیسے نہیں ہیں۔ یہ انکشاف انہوں نے خود ہی کیا ہے۔ انہوں نے کہا کہ پارٹی صدر جے پی نڈا نے مجھ سے لوک سبھا الیکشن لڑنے کے بارے میں پوچھا تھا مگر انہوں نے انکار کر دیا کیونکہ ان کے پاس الیکشن ...

مہوا موئترا نے ای ڈی کے سمن کو کیا نظر انداز، کرشنا نگر میں چلائیں گی انتخابی مہم

 ترنمول کانگریس (ٹی ایم سی) لیڈر مہوا موئترا نے انفورسمنٹ ڈائریکٹوریٹ (ای ڈی) کے سمن کو نظر انداز کرتے ہوئے کہا کہ وہ آج کرشنا نگر لوک سبھا حلقہ میں انتخابی مہم چلائیں گی۔ انہیں دہلی میں ای ڈی کے دفتر میں پوچھ گچھ کے لیے حاضر ہونے کو کہا گیا تھا۔

دہلی میں شدید گرمی، درجہ حرارت 37 ڈگری سیلسیس تک پہنچا

 دہلی اور اس کے آس پاس کے علاقوں میں درجہ حرارت میں اضافہ درج کیا جانے لگا ہے اور مارچ میں ہی گرمی نے اپنا زور دکھانا شروع کر دیا ہے۔ محکمہ موسمیات کے مطابق بدھ کو قومی راجدھانی میں رواں سال کا گرم ترین دن ریکارڈ کیا گیا۔ دریں اثنا، زیادہ سے زیادہ درجہ حرارت 37 ڈگری سیلسیس تک پہنچ ...