لالو پرساد کی طبیعت بگڑی، پٹنہ کے ہسپتال میں داخل
پٹنہ19 مئی (ایس او نیوز؍ آئی این ایس انڈیا) آر جے ڈی کے ایک رہنما نے بتایا کہ لالو نے صبح سوکر اٹھنے کے بعد تکلیف، سینے میں درد اور چکر آنے کی شکایت کی تھی۔ اس کے بعد فیملی ڈاکٹر کو بلا کر انہیں دکھایا گیا۔ اس دوران پتہ چلا ہے کہ ان کا شوگر لیول بڑھا ہوا ہے۔ اس کے بعد لالو پرساد کو پٹنہ کے اندرا گاندھی انسٹیٹیوٹ میں بھرتی کرانے کا فیصلہ کیا گیا۔ڈاکٹروں کے مشورہ پر لالو کو علاج کے لئے داخل کرادیا گیا ہے۔اسپتال کے ڈاکٹروں کا کہنا ہے کہ ابھی ان کی پوری جانچ کی جائے گی اس کے بعد ہی کچھ بتایا جا سکے گا۔ واضح ہو کہ چارہ گھوٹالے میں سزا کاٹ رہے لالو رانچی کے برسا منڈا جیل میں بند تھے۔ رانچی ہائی کورٹ نے ان کا علاج کرنے کے لئے چھ ہفتے کی عبوریضمانت دی ہے۔ آر جے ڈی ذرائع کی مانیں تو لالو علاج کے جلد ہی ممبئی جانے والے ہیں۔ لالو یادو گزشتہ کافی عرصے سے بیمار چل رہے ہیں۔