کرغیزستان13اکتوبر(ایس او نیوز؍آئی این ایس انڈیا)وسطی ایشیائی ریاست کرغیزستان میں صدارتی الیکشن اتوار پندرہ اکتوبر کو ہوں گے۔ موجودہ صدر الماس بیگ اتم بائیف منصب صدارت سے دستبردار ہو رہے ہیں۔ ووٹرز اس مرتبہ ایک نیا صدر منتخب کریں گے۔ صدارتی الیکشن میں کْل گیارہ امیدوار کھڑے ہیں۔ دو امیدواروں کو سبکدوش ہونے والے صدر اتم بائیف کی حمایت حاصل ہے اور انہی کے درمیان سخت مقابلے کی توقع ہے۔ ان میں ایک سورنبائی جانیبکف ہیں اور دوسرے ارب پتی کاوباری تاجر عمر بیگ بابانوف ہیں۔ جینبکف اور بابانوف موجودہ صدر کے دور میں وزارت عظمیٰ کا منصب مختلف اوقات میں سنبھال چکے ہیں۔ عوامی سطح پر انتخابی عمل میں جمہوریت کے مستحکم ہونے کا کم اور ملکی سلامتی کی مجموعی صورت حال خراب ہونے کا خوف پایا جاتا ہے۔