کشنز نے روس کے ساتھ خفیہ رابطہ لائن قائم کرنے کی تجویز دی، رپورٹ

Source: S.O. News Service | By Sheikh Zabih | Published on 28th May 2017, 12:12 PM | عالمی خبریں |

نیویارک،27مئی(ایس ا ونیوز/آئی این ایس انڈیا)امریکی صدر ڈونلڈ ٹرمپ کی انتظامیہ کے روس کے ساتھ تعلقات کا اسکینڈل دن بدن شدت اختیار کرتا جا رہا ہے۔ امریکی صدر کے چھتیس سالہ داماد جیرڈ کْشنرڈونلڈ ٹرمپ کے انتہائی قریبی مشیر ہیں۔ واشنگٹن پوسٹ کی تازہ رپورٹ کے مطابق وہ ایک ملاقات میں یہاں تک چلے گئے کہ انہوں نے امریکا میں قائم روسی سفارت خانوں کے لیے ایسا ذریعہ استعمال کرنے کی تجویز دی، جسے امریکی نگرانی سے بچایا جا سکے۔یہ نیا الزام روس کے ساتھ امریکی صدر کے رابطوں کے حوالے سے ایک نیا موڑ ثابت ہو سکتا ہے۔ امریکی خفیہ ایجنساں پہلے ہی متعدد بار یہ الزام عائد کر چکی ہیں کہ ہیلری کلنٹن کی ہار اور صدر ڈونلڈ ٹرمپ کی جیت میں روس نے کردار ادا کیا تھا۔ امریکی صدر ڈونلڈ ٹرمپ اپنے پہلے غیر ملکی دورے پر ہیں اور امریکا واپس جاتے ہی انہیں اس نئے بحران کا سامنا کرنا پڑ سکتا ہے۔
واشنگٹن پوسٹ کی رپورٹ کے مطابق یہ تجویز نیویارک میں قائم ٹرمپ ٹاور میں یکم یا دو دسمبر کو دی گئی تھی اور امریکا کی طرف سے ان معلومات کا جائزہ روسی مواصلات کے پکڑے جانے کے بعد لیا گیا تھا۔ رپورٹ میں کہا گیا ہے کہ قبل ازیں امریکی صدر کے مشیر برائے قومی سلامتی مائیکل فلین کو اپنی ملازمت کے چوبیس دن پورے کرنے سے پہلے ہی مستعفی ہونا پڑ گیا تھا کیوں کہ انہون نے روسی سفارت کار کے ساتھ ہونے والی ملاقات سے متعلق حقائق چھپائے تھے۔بتایا گیا ہے کہ روسی سفارت کار امریکی صدر کے داماد کْشنر کی خفیہ اور محفوظ رابطے کی تجویز سے حیران ہوئے تھے اور انہوں نے فوری طور پر یہ تجویز کریملن روانہ کر دی تھی۔ تاہم اس میں یہ نہیں بتایا گیا تھا کہ ایسا کس طرح کیاجائے گا۔ وائٹ ہاؤس کی جانب سے ابھی تک اس حوالے سے کوئی تبصرہ سامنے نہیں آیا ہے۔امریکی صدر ڈونلڈ ٹرمپ کی بیٹی ایوانکا ٹرمپ سے شادی کرنے والے کْشنر رئیل اسٹیٹ ڈویلپر ہیں اور امریکی صدر کی بیٹی نے ان سے شادی کے بعد یہودی مذہب اختیار کر لیا ہے۔ تجزیہ کاروں کے مطابق آنے والے دنوں میں میڈیا اور امریکی سیاست میں کْشنر پر توجہ مرکوز رہے گی۔
امریکی صدر کے پہلے غیر ملکی دورے میں کْشنر کی موجودگی کو خاص طور پر محسوس کیا گیا ہے کیوں کہ مشرق وسطیٰ پالیسی سے لے کر امریکی بیوروکریسی میں تبدیلیوں تک سبھی کے پیچھے اس ’خاموش مرکزی کردار‘ کا ہاتھ شامل ہے۔ دوسری جانب اس رپورٹ کے منظر عام پر آنے کے فوری بعد کْشنر نے کانگریس میں ان ملاقاتوں کے حوالے سے بات کرنے کی پیش کش کی ہے۔ایک ہفتہ پہلے یہ خبریں منظر عام پر آئی تھیں کہ روس کے حوالے سے تحقیقات کا سلسلہ وسیع کرتے ہوئے ’وائٹ ہاؤس کی ایک اہم شخصیت‘ تک بڑھا دیا گیا ہے۔ ابھی تک وائٹ ہاؤس میں کْشنر وہ واحد شخص ہیں، جو زیر تفتیش ہیں۔

ایک نظر اس پر بھی

ماسکو کنسرٹ ہال حملے میں 143ہلاکتیں

روس کے دارالحکومت ماسکو میں ایک کنسرٹ ہال پر جمعہ کو ہونے والے حملے میں مرنے والوں کی تعداد بڑھ کر 143 ہوگئی ہے جبکہ 100 سے زائد افراد زخمی ہیں۔روس کی تحقیقاتی کمیٹی نے ہفتے کے روز یہ اطلاع دی۔ کمیٹی نے کہا کہ ایمرجنسی سروسز ماسکو اوبلاست میں کروکس سٹی ہال، دہشت گردانہ حملے کی جگہ ...

80 ہزار افراد نے مسجد اقصیٰ میں نماز جمعہ ادا کی

قابض اسرائیلی فوجوں  کی سختی کے باوجود رواں  سال رمضان کے پہلے جمعہ کو ۸۰؍ ہزار مسلمانوں   نے بیت المقدس میں  پہنچ کر نماز جمعہ ادا کی۔ قدس نیوز نیٹورک نے جو ویڈیوشیئرکئے ہیں  میں  دیکھا جاسکتاہے کہ جوق در جوق مغربی کنارہ، راملہ اور دیگر علاقوں  سے فلسطینی شہری پیدل اور بسوں ...

شہریت ترمیمی قانون پر امریکہ نے بھی اپنی تشویش ظاہر کردی

امریکہ اور نے ہندوستان کے متنازعہ شہریت ترمیمی قانون پر عدم تحفظات کا اظہار کردیا۔ امریکی محکمہ خارجہ کے ترجمان نے بیان میں کہا کہ ہندوستان میں شہریت کے متنازعہ ترمیمی قانون کے نفاذ پر تشویش ہے۔ ایکٹ کے نافذ ہونے کے بعد صورتحال کا بغور جائزہ لے رہے ہیں۔

غزہ پر اسرائیلی حملوں کے سبب جان گنوانے والے فلسطینیوں کی تعداد 31272 ہوئی

غزہ پٹی پر جاری اسرائیلی حملوں سے فلسطینیوں کی ہلاکتوں کی تعداد 31272 ہو گئی ہے۔ غزہ میں قائم وزارت صحت نے بدھ کو یہ اطلاع دی۔ وزارت نے ایک بیان میں کہا کہ اسرائیلی فورسز نے گزشتہ 24 گھنٹوں کے دوران 88 فلسطینیوں کو قتل اور 135 دیگر کو زخمی کیا، جس سے گزشتہ اکتوبر میں اسرائیل اور حماس ...

غزہ میں امداد کیلئے قطار میں منتظر افراد کو پھر نشانہ بنایا گیا، 11 شہید

  انسانیت کی تمام حدوں  کو پار کرتے ہوئے اسرائیلی فوجوں  نے بدھ کو پھر بھکمری کے شکار ان پریشان حال لوگوں  کو نشانہ بنایا جو اپنے بچوں  کی پیٹ کی آگ بجھانے کیلئے امداد حاصل کرنے کے مقصد سے قطار میں  لگے ہوئے تھے۔ بدھ کے اس حملے میں  ۱۱؍ افراد کی شہادت کی تصدیق ہوئی ہے جس کے بعد ...

انڈونیشیا میں سیلاب اور چٹان کھسکنے سے تباہی، 19 افراد ہلاک ،متعدد زخمی

انڈونیشیا کے جزیرے سماترا میں مسلسل بارش نے سیلاب اور چٹان کھسکنے سے بڑے پیمانے پرتباہی ہوئی ہے۔ اس دوران 5سے زائد گھر دب گئے۔ مکانات کے ملبے سے12 لاشیں نکالی گئیں اور 7افراد کو شدید زخمی حالت میں اسپتال پہنچایا گیا۔ ملبے سے دیگر 6 افراد کو بحفاظت نکالا گیا جبکہ5 افراد اب تک ...