کنداپور: شوہر کے خلاف بیوی نے درج کی شکایت۔ قتل کی کوشش کا الزام
کنداپور10؍اکتوبر(ایس او نیوز) سیسیلیاڈیسوزا(45سال)نے پولیس میں شکایت درج کروائی ہے کہ اس کے شوہر مارک ڈیسوزا نے درانتی سے حملہ کرتے ہوئے اس کا قتل کرنے کی کوشش کی ہے۔
سیسیلیا کا کہناہے مارک ڈیسوزا کے ساتھ اس کی شادی 1994میں ہوئی تھی۔ وقتاً فوقتاً اس کا شوہر اس کے ساتھ جھگڑتا ، گالی گلوچ کرتا اور مارپیٹ کرتارہتا ہے۔8اکتوبر کی رات کو مارک نے درانتی تیزی کے ساتھ گھماتے ہوئے اس کی گردن پر حملہ کرنے کی کوشش کی تو سیسلیا نے اپنے ہاتھ سے اس کا حملہ روکا جس کی وجہ سے اس کے ہاتھ پر گہرے زخم آگئے۔پھر مارک نے اس کے بالوں کوجکڑ اس کا سر دیوار سے ٹکرادیا۔
پولیس نے شکایت درج کرلینے کے بعد تحقیقات شروع کردی ہے۔