کنداپور:28/جولائی (ایس اؤنیوز) اُڈپی ضلع نگراں کار وزیر پرمود مدھواراج کی صدارت میں واراہی آب پاشی منصوبہ کی ترقی جائزہ میٹنگ کنداپور تعلقہ پنچایت ہال میں منعقد ہوئی ۔ میٹنگ میں شکایت کردہ ایک شخص بھی نہیں تھا صرف محکمہ جات کے افسران کو ہی بعض ہدایات کو سماعت کرنی پڑی ۔

3جون کو خود ضلعی نگراں کار وزیر نے واراہی منصوبہ جات علاقوں کو دورہ کرکے جاری کاموں کا مشاہدہ ومعائنہ کیا، عوامی مسائل کا جائزہ لینے کے بعد ہوسنگڈی میں منعقد ہوئی ترقی جائزہ میٹنگ میں متاثرین اور عوام سے سماعت کردہ شکایات اور مسائل پر کہاں تک کارروائی کی گئی ہے اس کا جائزہ لینے کے لئے یہ میٹنگ منعقد کی گئی تھی، لیکن کسی متاثرین اور عوام کو میٹنگ کے لئے دعوت ہی نہیں دی گئی تھی۔

میٹنگ میں وزیر موصوف نے افسران کو ہدایات دیں کہ واراہی منصوبے کو لے کر عوامی مسائل ، زمین حصولیابی کی شکایات، مناسب معاوضہ کی تقسیم کاری کے تمام معاملات کسی بھی مرحلے میں کیوں نہ ہوں انہیں ایک ہفتہ میں حل کرنےکی ہدایات دی اور کہا کہ انہیں یعنی وزیر موصوف کو عوام کی طرف سے دی گئی شکایات کو بھی حل کرنے کے لئے کہا۔ منصوبے کو لے کر ہاردلی اور منڈلی کے قریب منصوبے کی خاطر تعمیر کئے گئے عارضی سرویس سڑک پر کچھ لوگ غیر قانونی طورپر باڑ لگا کر عوامی نقل وحمل کے لئے رکاوٹ پیدا کرنےکے معاملے کو لے کر فوری طورپر جائے وقوع کاجائزہ لے کر 24گھنٹے میں باڑ نکال باہر کرنےکریں، متعلقہ افراد کے خلاف کارروائی کرنے کوٹا پولس تھانہ انسپکٹر کو ہدایت دی ۔ میٹنگ میں انفرادی طورپر پہنچے کچھ لوگوں نے اپنے ذاتی مسائل اور منصوبے کے متعلق شکایات کو وزیر کے روبرو پیش کیا۔

واراہی آب پاشی منصوبے سے 15000ہزار ہیکٹر زرعی زمین کی آب پاشی کی سہولیات حاصل ہونی تھیں لیکن گذشتہ 37سالوں میں صرف 4100ہیکٹر زرعی زمین کو ہی پانی سپلائی ہورہاہے،کئی ایک دیہات کو ابھی منصوبہ کا فائدہ نہیں مل رہاہے، کن کن دیہاتوں کو منصوبہ کا پانی نہیں مل رہاہے اس سلسلے میں عوام کی طرف سے وضاحت مانگی گئی تھی، یہ اور اس طرح بقیہ مسائل پر جائزہ لینے کے لئے 28اگست کو میٹنگ منعقد کرنےکی وزیر نے ہدایت دی ۔ میٹنگ میں کنداپور کے رکن اسمبلی ہالاڑی شری نواس شٹی ، ودھان پریشد کے رکن پرتاپ چندر شٹی ، تعلقہ پنچایت صدر جئے شری موگویر، ڈپٹی کمشنر پریانکا فرانسس ،اسسٹنٹ کمشنر شلپا ناگ اور منصوبے کے ایس ای پدمنابھ موجود تھے۔