کنداپور کے 2طلباء ہال ٹکٹ لینے کے بعد حادثاتی طور پر ایک جھیل میں ڈوبنے سے ہلاک

Source: S.O. News Service | By Shahid Mukhtesar | Published on 23rd April 2018, 9:04 PM | ساحلی خبریں | ان خبروں کو پڑھنا مت بھولئے |

کنداپور23؍اپریل (ایس او نیوز) اپنی آنکھوں میں زندگی کے سہانے سپنے سجائے دو نوجوان طلباء جب کالج سے اپنے ہال ٹکٹ لے کر نکلے تھے تو انہیں پتہ نہیں تھا کہ راستے میں موت ان کا انتظار کررہی ہے۔ یہ دردناک کہانی کیرتن (19سال) اور سچن(19سال) نامی دو دوستوں کی ہے جنہوں نے کالج سے نکل کر گھر جانے سے پہلے کوٹیشور مندر کے سامنے واقع جھیل میں نہانے کا فیصلہ کیا اور دونوں ڈوب کر ہلاک ہوگئے۔

موصولہ رپورٹ کے مطابق یہ دونوں دوست کاگیری گورنمنٹ کالج کوٹیشور کے طالب علم تھے۔ کیرتن بی اے کے سال اول میں تھا اورسچن بی کام کے سال اول میں زیر تعلیم تھا۔کہاجاتا ہے کہ امتحان کی تیاریوں کے لئے کالج میں چھٹیاں چل رہی تھیں۔ کیرتن ، سچن اوران کے ایک اور دوست نے کالج پہنچ کر ہال ٹکٹ حاصل کرنے کے بعدکوٹیشور ٹیمپل جانے کا فیصلہ کیا۔ وہاں جھیل میں تیرنے کے لئے دو دوست پانی میں اترے جبکہ تیسرا دوست کنارے پر بیٹھا رہا۔ جب کافی دیر تک کیرتن اور سچن پانی سے باہر نہیں نکلے تو اس نے آس پاس کے لوگوں کو مطلع کیا۔فائر بریگیڈ عملے نے بڑی تلاشی کے بعد کیرتن کی لاش برآمد کرلی۔ سچن کی لاش کے لئے بڑے پیمانے پر تلاش جاری رہی۔کنداپور پولیس اسٹیشن کے انسپکٹر ہریش اور عملے نے جائے وقوع پر پہنچ کر جائزہ لیا اور معاملہ درج کرلیا۔اس المناک حادثے کی خبر عام ہوتے ہی مندر کی جھیل کے اطراف سینکڑوں لوگ جمع ہوگئے۔

ایک نظر اس پر بھی

بیلتھنگڈی : تحصیلدار کی قیادت میں چھاپہ : غیر قانونی ریت کا ذخیرہ اور کشتیاں ضبط

بیلتھنگڈی تحصیلدار کی قیادت میں تعلقہ کے دھرمستھل ، اجکوری نامی مقام پر چھاپہ مارتے ہوئے افسران نے ندی کنارے جاری غیر قانونی ریت سپلائی کے ذخیرے اور کشتیوں کو ضبط کرلینے کا واقعہ پیش آیا ہے۔

منگلورو: سواریوں کی تلاشی کے دوران غیر قانونی ریت سپلائی کرنے والے ٹپر لاریاں ضبط

منگلورو جنوبی زون کے اے سی پی ، جنوبی زون راؤڑی نگراں دستہ کے ساتھ مشترکہ طورپر کنکناڑی شہری پولس تھانہ حدود کے پڈیل جنکشن اور پمپ ویل قومی شاہراہ پر سواریوں کی تلاشی کے دوران غیر قانونی طورپر ریت سپلائی کرنےو الی لاریوں کا پتہ چلنے پر سواریوں کو ضبط کرنے کا واقعہ پیش آیا ہے۔

ہوناور شراوتی ندی سے ریت سپلائی کے انتظار میں مزدور، ٹھیکدار اور سواری مالکان :کیا حکومت اس طرف توجہ دے گی ؟

گذشتہ جون سے بند ریت سپلائی ستمبر ختم ہونےکو ہے شروع ہونے کے کوئی آثار نظر نہیں آنے  سے ریت پر انحصار کرنے والے مزدور، سواری مالکان، ٹھیکدار سب پریشان ہیں۔ سرکاری عمارات سمیت کئی پرائیویٹ عمارات کی تعمیر ریت نہیں ملنے کی وجہ سے رکی ہوئی ہیں، ترقی کو گرہن لگاہے۔

مینگلور کے قریب بنٹوال میں نابالغہ کی عصمت دری کی کوشش : تین ملزم گرفتار

چہارم جماعت میں زیر تعلیم نابالغہ کی عصمت دری کی کوشش کئے جانے کا واقعہ بنٹوال تعلقہ پانے منگلورو کے قریب گوڈینبلی میں پیش آیاہے۔ اس سلسلے میں بنٹوال شہری تھانہ پولس نےمعاملے کو لےکر تین ملزموں کو گرفتار کیا ہے۔

محرم کی دس تاریخ کو تعزیہ نکالنا ،ماتم کرنا بدعت ہے، یہ اللہ کے رسول ؐ یاکسی صحابی سے ثابت نہیں ؛ جمعہ کے خطبہ میں مولانا حفظ الرحمن کاخطاب

آج جامعہ فیض ناصر کی مسجد حکیم الامت میں جمعہ کی نماز سے قبل مولانا حفظ الرحمن نے پرمغز خطاب کرتے ہوئے  ۱۰؍محرم الحرام کی اہمیت و فضیلت کو بیان کیا ۔

امریکا کا پاک بھارت وزرائے خارجہ کی مجوزہ ملاقات کا خیرمقدم

امریکا نے پاک بھارت وزرائے خارجہ کی مجوزہ ملاقات کو خوش آئند قرار دیا ہے۔ امریکی محکمہ خارجہ کی ترجمان ہیدر نوریٹ نے پریس بریفنگ کے دوران پاک بھارت وزرائے خارجہ کی ملاقات کو دونوں ممالک کے لیے خوش آئند قرار دیتے ہوئے کہا کہ ملاقات سے دونوں ملکوں کو مل کر بیٹھنے اور بات کرنے کا ...

اعتراف شکست یا پھر کچھ اور؟ داعش اور القاعدہ اپنے عزائم میں اب بھی پختہ: امریکی اہلکار

 انسداد دہشت گردی سے وابستہ امریکی اہلکاروں نے کہا ہے کہ داعش اور القاعدہ جیسے دہشت گرد گروہوں سے لڑائی اور اْن کے زیر قبضہ علاقے وارگزار کرانے کے سلسلے میں اہم پیش رفت حاصل ہونے کے باوجود، دہشت گردی کی صورت حال پیچیدہ تر ہو گئی ہے۔

چین: عیسائی گرجا گھر کے خلاف سخت کارروائی

حالیہ دِنوں کے دوران بیجنگ کا سب سے بڑا چرچ بند کر دیا گیا ہے، جب کہ چین کے دوسرے شہروں میں مذہبی اجتماعات کے خلاف سخت کارروائی کی گئی ہے۔ مسیحی قائدین، دانشور اور شہری حقوق کیوکلا کا کہنا ہے کہ یہ کارروائیاں مذہب کو حکمراں کمیونسٹ پارٹی کے مکمل ضابطے میں لانے کی وسیع تر کوشش کا ...

اعلی ذات گروپ بی جے پی سے ناراض؛ کہا" ہمارے یہاں آکر ووٹ نہ مانگیں ، کچھ غلط ہوا تو ہم ذمہ دار نہیں"

 اکھل بھارتیہ براہمن مہا سبھا نے 38 دیگر اعلی ذات گروپوں کے ساتھ مل کر اتر پردیش کی راجدھانی میں احتجاج کرتے ہوئے بی جے پی کو متنبہ کیا کہ وہ   ہمارے یہاں آکر ووٹ نہ مانگیں ، کچھ غلط ہوا تو ہم ذمہ دار نہیں۔

دہلی اور لکھنو سمیت پورےملک میں آج یوم عاشورہ عقیدت و احترام کے ساتھ منایا جارہا ہے

دہلی، امروہہ اور لکھنو سمیت ملک بھر میں یوم عاشور آج عقیدت و احترام کے ساتھ منایا جارہا ہے۔اس موقع کا اہتمام حق کی سربلندی کے لئے حضرت امام حسین رضی اللہ تعالیٰ عنہُ اور ان کے رفقا کی عظیم قربانیوں کی یاد میں کیا جا تا ہے۔محرم الحرام کے روایتی جلوس اور عزاداری کے اہتمام کے ...