کنداپور:بینر لگانے کے مسئلے پر دو ہندو تنظیموں کے بیچ تصادم۔ 3زخمی۔ 1کی حالت نازک
کنداپور2؍دسمبر(ایس او نیوز) کوٹیشور نامی مقام پر ایک تہوار کے سلسلے میں بینر لگانے پر ہندوؤں کے دو گروہوں کے درمیان ہونے والی تکرار مارپیٹ میں بدل گئی اور اس کے نتیجے میں تین افرادزخمی ہوگئے جن میں سے ایک کی حالت انتہائی نازک بتائی جارہی ہے۔
کہاجاتا ہے دو الگ الگ تنظیموں سے وابستہ گروہوں میں یہاں کافی عرصے سے آپسی رقابت چل رہی ہے۔ ایک مقامی تہوار سے متعلق جب ایک گروہ اپنا بینر لگایا تو دوسرے گروپ کے نوجوانوں نے جھگڑا کھڑا کردیا۔ بات تو تو میں میں سے آگے بڑھی اور گروہی تصادم میں بدل گئی۔ اس دوران ابھیشیک نامی نوجوان کو سر میں گہری چوٹ آئی جسے منی پال اسپتال میں آئی سی یو میں زیر علاج رکھا گیا ہے اور اس کی حالت نازک بتائی جارہی ہے۔ اس کے علاوہ سریدھر اور آدرش نامی نوجوان بھی زخمی ہوئے ہیں جن کا علاج کنداپورکے اسپتال میں کیا جارہا ہے۔
کنداپور پولیس نے اس تعلق سے کیس درج کرنے کے بعد تحقیقات شروع کردی ہے۔