تلاری گھاٹ پر دو لاشوں کے باقیات برآمد؛ کمٹہ کے دونوں لاپتہ بھائیوں کی لاشوں کا شبہ

Source: S.O. News Service | By Shahid Mukhtesar | Published on 11th January 2018, 6:40 AM | ساحلی خبریں |

کمٹہ 10؍جنوری (ایس او نیوز) گزشتہ سال24 نومبرکوکولہا پور مہاراشٹرا کی طرف جاتے ہوئے لوہے کے سامان سے لدے ہوئے ٹرک کے ساتھ ڈرائیور اور کلینر کے غائب ہونے کا معمہ تلاری گھاٹ پر دو لاشوں کے باقیات ملنے کے بعد حل ہوتا نظر آرہا ہے۔

خیال رہے کمٹہ سنتے گولی کے رہنے والے ڈرائیور محمد اسحاق قادر صاب (24سال)اور کلینر ریحان محی الدین صاب(20سال) لوہے کا مال بھرے ہوئے ٹرک کے ساتھ لاپتہ ہوگئے تھے۔ ٹرک کے مالک کو شک ہوگیا تھا کہ ان دونوں نے لدا ہوا ٹرک کولہا پور مہاراشٹرا کی طرف لے جانے کے بجائے خود ہی ٹرک کے ساتھ لاپتہ ہوگئے ہیں۔اس تعلق سے کمٹہ پولیس اسٹیشن میں شکایت بھی درج کروادی گئی تھی۔ان دونوں کے گھر والوں کو ان پر پورا بھروسہ تھا کہ وہ اس قسم کی دھوکہ دہی نہیں کریں گے۔ مگر ان کے واپس نہ لوٹنے اورموبائل فون بند رہنے کی وجہ سے وہ بھی کسی نتیجے پر پہنچ نہیں پارہے تھے اور کسی برے انجام سے گھبرا رہے تھے۔

لیکن تلاری گھاٹ پر دو لاشوں کی باقیات ملنے کے بعدکمٹہ پولیس سرکل انسپکٹر سنتوش شیٹی نے بتایا کہ شبہ ہے کہ یہ لاشیں ریحان اور اسحاق کی ہیں ، اس ضمن میں مزید تحقیقات کی جارہی ہے۔ شناخت کے لئے کمٹہ سے ان دونوں کے خاندان والے مہاراشٹرا گئے ہوئے ہیں۔

اس سے قبل مہاراشٹرا میں خالی لاری کا پتہ چل گیا تھا مگر ڈرائیور اور کلینر کی ہنوز تلاش جاری تھی۔ پولس کو شبہ ہے کہ لدے ہوئے سامان کو لوٹنے کے لئے ہی ان دونوں کا قتل کیا گیا ہے۔ مزید چھان بین کے بعد ہی اصل حقائق کا پتہ لگنے کی امید ہے۔

ایک نظر اس پر بھی

بے کار پڑا ہے بھٹکل بندر پر پینے کے صاف پانی کا مرکز۔ 12لاکھ روپے کا تخمینہ۔ ادھورا پڑا ہے منصوبہ

بھٹکل تعلقہ کے ماوین کوروے علاقے میں واقع بندرگاہ پر پینے کے صاف پانی کا ایک مرکز 12لاکھ روپے کی لاگت سے تعمیر کرنے کا منصوبہ شروع ہوئے دو سال کا عرصہ گزرچکا ہے۔ ٹھیکے دار کی غفلت اور افسران کے کاہلی کی وجہ سے ابھی تک یہ منصوبہ پورا نہیں ہوا ہے اور عوامی استعمال کے لئے دستیاب ...

ہائی اسکول او رکالجوں کے امتحانات مقررہ وقت پر ہوں۔سرسی میں اے بی وی پی نے دیا میمورنڈم

ریاستی سرکار کی طرف سے ابھی تک وزیر تعلیم کا قلمدان کسی کو نہ دینے اور طلبہ کی تعلیمی زندگی کے ساتھ کھلواڑ کرنے کا الزام لگاتے ہوئے اکھل بھارتیہ ودیارتھی پریشد کے اراکین نے تحصیلدار کی معرفت میمورنڈم دیا اورمطالبہ کیا ریاست کے پرائمری اور سیکنڈری محکمہ تعلیمات کو تباہ ہونے سے ...

کاروار: کائیگا اٹامک اینرجی پلانٹ توسیعی منصوبہ۔ عوامی اجلاس ملتوی کرنے کے لئے دیا گیا میمورنڈم

کائیگا میں واقع جوہری توانائی کے مرکز میں مزید دو نئے یونٹس قائم کرنے کا جو منصوبہ زیرغور ہے اس کے سلسلے میں عوامی شکایات اور احوال جاننے کے لئے 15دسمبر کو عوامی اجلاس منعقد ہوناطے تھا۔ لیکن سابق رکن اسمبلی ستیش سائیل کی قیادت میں عوام کی طرف سے ایڈیشنل ڈی سی ڈاکٹر سریش ایٹنال ...

کاروار میں 22اور23دسمبر کومنعقد ہوگا روزگار میلہ

کاروار رکن اسمبلی روپالی ایس نائک کی قیادت میں 22اور23دسمبر کو ایک زبردست روزگار میلہ منعقد کیا جائے گا، جس میں ملک کے مختلف علاقوں سے 106کمپنیوں کے نمائندے حصہ لیں گے۔توقع کی جارہی ہے کہ تقریباً5300بے روزگار نوجوان اس میلے سے فائدہ اٹھائیں گے ۔