سرسی:16/اکتوبر(ایس اؤ نیوز) ریاستی  شاہراہ کو قومی شاہراہ میں منتقل کرنے سرسی ۔کمٹہ سڑک کاآج سے سروے شروع ہوتے ہی عوام میں تجسس دیکھا جارہاہے۔

نومبر کے آخر میں شروع ہونے والے تعمیری کام کے لئے آر این شٹی کمپنی نے پیر سے سروے کام شروع کردیا ہے۔ شہر میں جہاں تہاں کیمرہ لے کر سروے کرتے عملے کو دیکھا گیا۔ سروے کاکام جلد ی مکمل کرنے کےلئے کہے جانےکی اطلاعات موصول ہوئی ہیں۔

قومی شاہراہ اتھارٹی کے ذریعے سرسی سےکمٹہ تک 60کلومیٹر سڑک کاآر این ایس اور گایتری کنسٹرکشن کمپنیوں کو مشترکہ ٹھیکہ دیا گیا ہے نومبر کے آخر تک کام شروع کرنے کہاگیا ہے۔ کام کی شروعات کو دیکھتے ہوئے قومی ہائی وے اتھارٹی نے سرسی ۔کمٹہ روڈ کو بند کرنے کے لئے ڈپٹی کمشنر کو خط لکھ چکی ہے ، مگر ابھی تک کوئی جواب موصول نہیں ہونےکی بات کہی جارہی ہے۔

اس معاملے میں ڈپٹی کمشنر کی طرف سے ملی اطلاعات کے مطابق سرسی کمٹہ روڈ پر ٹرافک پر پابندی عائد کرنےسے پہلے متبادل راستوں کا انتظام کرنا اور اس کےمتعلق  ٹرافک، پولس اور آب پاشی محکمہ جات سے جانکاری حاصل کرنے کے بعد حکم نامہ جاری کیاجائے گا۔ اتھارٹی نے کمپنیوں سے کہاہے کہ وہ نومبر آخر تک کام شروع کریں۔